قیرقیزیستان خاریجی ایشلر باخانی، عؤمورعلییئو ایله گؤروشدو
قیرقیزیستان خاریجی ایشلر باخانی کولوبایئو، تورک دؤولتلری تشکیلاتی باش کاتیبی عؤمورعلییئو ایله تشکیلاتین گوندمین‌ده‌کی مؤوضوعلاری اله آلدی
قیرقیزیستان خاریجی ایشلر باخانی جنبک کولوبایئو، تورک دؤولتلری تشکیلاتی باش کاتیبی کوبانیچبک عؤمورعلییئو ایله بیر آرایا گلدی.
خاریجی ایشلر باخانلیغیندان وئریلن یازیلی آچیقلامایا گؤره، کولوبایئو، تورک دؤولتلری تشکیلاتی باش کاتیبی عؤمورعلییئو ایله تشکیلاتا عضو دؤولت باشقانلارینین قرارلارینین تطبیق اولونماسی داخیل اولماق اوزره تشکیلاتین گوندمین‌ده‌کی مؤوضوعلاری اله آلدی.
کولوبایئو، اقتصاد و سرمایه ساحه‌لرین‌ده تشکیلاتا عضو دؤولتلرین منفعتلرینی قارشیلایاجاق اؤزل پروژه‌لرین تطبیق اولونماسینین گوجلندیریلمه‌سی لزومونا دقت چکدی.
تشکیلاتین اولوسلارآراسی صحنه‌ده‌کی رولونو و اؤنمینی آرتیراجاق چابالارا توخونان کولوبایئو، تشکیلاتین دیگر اولوسلارآراسی قورولوشلار آراسیندا امکداش‌لیغی تاسیس ائتمه و گوجله‌ندیرمه چابالارینی مثبت دگرلندیردی.
تورک دؤولتلری تشکیلاتی باش کاتیبی عؤمورعلییئو، باخان کولوبایئوه تشکیلاتین مؤوجود فعالیتلری، ۲۰۲۳ ایلی ایش پلانلاری و تشکیلاتا عضو دؤولتلره عاید قوروملارین فعالیتینی آرتیرماغا دایر داوام ائد‌ن ایشلر حاقین‌دا معلومات وئردی.
عؤمورعلییئو، تورکیه، آذربایجان، قازاقیستان، قیرغیزیستان و اؤزبکیستانین تام عضو؛ ماجاریستان، تورکمنیستان و قوزئی قیبریس تورک جمهوریتینین گؤزلمچی اولدوغو تورک دؤولتلری تشکیلاتینین باش کاتیبلیک وظیفه‌سینه ۱۱ نوامبردا تعیین ائدیلمیشدی.
