تۆرکمنیستاندا خالق صاندیق باشینا گئدهجک
اؤلکهده ۲ مین ۶۴۴ صاندیقدا رای وئریلهجک سئچیملرده، تۆرکمنیستانین یورددیشینداکی دیپلوماتیک نمایندهلیکلرینده ده ۴۲ صاندیق قورولاجاق
تۆرکمنیستاندا خالق، بازار گونو، میللت وکیلی، خالق مصلحتی و یئرلی یؤنهتیم اورگانلارینین نمایندهلرینی سئچمک اوچون صاندیق باشینا گئدهجک.
اؤلکهده ۲ مین ۶۴۴ صاندیقدا رای وئریلهجک سئچیملرده، تۆرکمنیستانین یورددیشینداکی دیپلوماتیک نمایندهلیکلرینده ده ۴۲ صاندیق قورولاجاق.
تۆرکمنیستان مجلیسینده ۱۲۵ میللت وکیلی، عشق آباد و ویلایت خالق مصلحتینده ۲۴۰ عضو، ائلچه و ائلچه سویهسیندهکی شهر خالق مصلحتینده ۹۶۰ عضو و یئرلی یؤنهتیم اورگانلاریندا ۵ مین ۸۹۷ عضو وار.
میللت وکیللیگی سئچیملرینده، اقتداردا اولان تۆرکمنیستان دموکرات پارتیسی، تۆرکمنیستان صنایعچیلر و گیریشیمچیلر پارتیسی ایله تۆرکمنیستان اکینچیلیک پارتیسی اولماق اوزره ۳ سیاسی پارتینین و مولکی قروپلارینین نامیزدلری یاریشاجاق.
میللت وکیللیگی سئچیملرینده ۳ سیاسی پارتیدن توپلام ۱۷۵ نامیزد و مولکی گیریشیم قروپلارینین ۸۳ نامیزدی اولماق اوزره توپلامدا ۲۵۸ نامیزد مجلیسدهکی ۱۲۵ یئر اوچون یاریشاجاق.
عشق آباد و ویلایت خالق مصلحتی عضولوگو اوچون ۵۱۵ نامیزد، ائلچه و ائلچه سویهسیندهکی شهر خالق مصلحتی عضولوگو اوچون ۲ مین ۱ نامیزد، یئرلی یؤنهتیم اورگانلارینین نمایندهلیگی اوچون ۱۲ مین ۹۸ نامیزد یاریشاجاق.
سئچیلهجک میللت وکیللی، خالق مصلحتی و یئرلی یؤنهتیم اورگانلارینین نمایندهلری ۵ ایل بویونجا وظیفهده قالاجاق.
تۆرکمنیستاندا ۲۰۲۱ده ایکی قانادلی پارلمان سیستمینه گئچیلمیشدی. آنجاق بو ایل ژانویه آییندا اؤلکهده خالقین یوکسک تمثیل اورگانی "خالق مصلحتی" قورولاراق یئنیدن تک قانادلی پارلمان سیستمینه قاییدیلمیشدی.