قازاقیستان سئچیملرینین ایلک نتیجهلری آچیقلاندی
سئچیمه قاتیلان ۷ سیاسی پارتیدن ۶سی مجلیسه گیرمک اوچون لازیم اولان یوزده ۵ حدینی گئچدی
قازاقیستاندا ائدیلهن ائرکن مجلیس و یئرلی مجلیس سئچیملرینده صاندیق چیخیشی آنکتلرینه گؤره، سئچیمیه قاتیلان ۷ سیاسی پارتیدن ۶سی پارلمانین آلت قانادی مجلیسه گیرمک اوچون لازیم اولان حدی گئچدی.
قازاقیستاندا سئچیمه باغلی صاندیق باشی سورغونون ایلک نتیجهلری آچیقلاندی.
آوراسیا قایناشما انستیتوسو طرفیندن ائدیلهن سورغویا گؤره، آمانات پارتیسی یوزده ۵۳،۴۶ ایله ایلک سیرادا یئر آلدی. آئول (کند) خالق دموکراتیک پارتیسی یوزده ۱۰،۵۲ ایله ایکینجی، سئچیملره ایلک دفعه قاتیلان رسپوبلیکا پارتیسی یوزده ۸،۹ ایله اوچونجو اولدو. سئچیمده سیراسییلا آغ یول دموکراتیک پارتیسی یوزده ۷،۸۷، قازاقیستان خالق پارتیسی یوزده ۶،۲۵، توپلومسال سوسیال دموکرات پارتیسی یوزده ۵،۳۱ و بایتاک پارتیسی داه یوزده ۳،۲۲ اوی آلدی.
بئلهجه، سئچیمه قاتیلان ۷ سیاسی پارتیدن ۶سی مجلیسه گیرمک اوچون لازیم اولان یوزده ۵ حدینی گئچدی.
سئچیملرین سون نتیجهلری ایسه قازاقیستان مرکزی سئچیم کمیسیونو طرفیندن ۱۰ گون ایچینده آچیقلاناجاق.
قازاقیستان خالقی، ۱۹ مارسدا ۵ ایل بویونجا مجلیس و یئرلی مجلیسلرده وظیفه آلاجاق میللت وکیللرینی سئچمک اوچون صاندیق باشینا گئتمیشدی. سس وئرمه ایشینین سونا چاتدیغی اؤلکهده اوی ساییمی داوام ائدیر.
سئچیملره قاتیلیم نیسبتی یوزده ۵۴،۱۹ اولاراق آچیقلادی.
ایلگیلیلی خبرلر
آذربایجاندان فرانسایا اویاری
"فرانسانین قارالاما کمپینلری، اویغونسوز آچیقلامالاری و تخریباتلاری جاوابسیز قالمایاجاق"