آذربایجان جمهوریتینده ایرانین جاسوس شبکه‌سینه قارشی عملیات
باشکند باکی‌دا و باشقا بؤلگه‌لرده، بعضی قورولوش و ایش یئرلرینده دۆنن باشلادیلان عملیاتدا «دین آدی آلتیندا بؤلوجو فعالیتلر یئریتدیکلری» دلیلی ایله ۳۹ نفر گؤزآلتینا آلیندی
1940610
آذربایجان جمهوریتینده، ایرانین جاسوس شبکه‌سینه قارشی تشکیل ائدیله‌ن عملیاتدا ۳۹ نفر گؤزآلتینا آلیندی.
آذربایجان جمهوریتی ایچ ایشلری باخانلیغی قایناقلاریندان الده ائتدیلن بیلگیلره گؤره، باشکند باکی‌دا و باشقا بؤلگه‌لرده، بعضی قورولوش و ایش یئرلرینده دۆنن باشلادیلان عملیاتدا «دین آدی آلتیندا بؤلوجو فعالیتلر یئریتدیکلری» دلیلی ایله ۳۹ نفر گؤزآلتینا آلیندی.
سؤزوگئدن شخصلرین سوسیال شبکه‌لرده ایران له‌ینه تبلیغات آپاردیقلاری، آذربایجان جمهوریتینده مذهب ساواشی چیخارتماق ایسته‌دیکلری، ایران اطلاعاتینین وئردیگی وظیفه‌لری یئرینه یئتیردیکلری، بیلگی یوللادیقلاری ادعا ائدیلدی.
آذربایجان جمهوریتی ایچ ایشلری باخانلیغینین عملیات ائتدیگی قورولوشلار آراسیندا ایران یانلیسی یایینلاری ایله تانینان «سلام نیوز» خبر آژانسی ایله «اینترآز» تلویزیون کانالی دا وار.
