آذربایجان جمهوریتیندن وطنداشلارینا ایرانا گئتمه‌مه اویاریسی
خاریجی ایشلر باخانلیغیندان وئریله‌ن آچیقلامادا، آذربایجان وطنداشلارینین ضروری اولمادیقجا ایرانا سفر ائتمه‌مه‌لری، سفر ائد‌نلرین ایسه چوخ دقتلی اولمالاری توصیه ائدیلدی
آذربایجان جمهوریتی وطنداشلارینا ایرانا گئتمه‌مه‌لری اویاریسی ائتدی.
خاریجی ایشلر باخانلیغیندان وئریله‌ن آچیقلامادا، آذربایجانین تهران ائلچیلیگینه تشکیل ائدیلن ترور سالدیریسی خاطیرلادیلاراق، آذربایجان وطنداشلارینین ضروری اولمادیقجا ایرانا سفر ائتمه‌مه‌لری، سفر ائد‌نلرین ایسه چوخ دقتلی اولمالاری توصیه ائدیلدی.
ایران‌دا اولان بعضی آذربایجان جمهوریتی وطنداشلارینا گۆونلیک قاوراللارینا رعایت ائتمه‌لری توصیه ائدیله‌ن آچیقلامادا، وطنداشلارین احتیاج اولدوقدا تبریز باش کونسوللوغو ایله ارتباطا گئچه‌بیله‌جگی قید ائدیلدی.
آذربایجانین تهران ائلچلیگینه ۲۷ ژانویه‌ده تشکیل ائدیلن سلاحلی سالدیری نتیجه‌سینده ائلچلیگین گۆونلیک تیمی رئیسی شهید اولموش، ایکی محافظه ایسه یارالانمیشدی.
آذربایجان جمهوریتی جمهورباشقانی ایلهام علییئو، سالدیرینی ترور ائیلمی اولاراق تانیملادی.
سالدیریدان سونرا آذربایجان جمهوریتینین تهران ائلچیلیگینین فعالیتی دآسقییا آلینمیش، بوتون پرسنل و اونلارین عائله عضولری باشکند باکییا قاییتمیشدی.
