آذربایجان پرزیدنتی ایلهام علی یئو فوات اوکتایی قبول ائدیب
آذربایجاندا سفرده اولان فوات اوکتای پرزیدنت ایلهام علی یئو طرفیندن قبول ائدیلیب.
آذربایجاندا سفرده اولان فوات اوکتای پرزیدنت ایلهام علی یئو طرفیندن قبول ائدیلیب.
باشقان یاردیمجیسی فوات اوکتای پرزیدنت رجب طیب اردوغانین سلام‌لارینی آذربایجان پرزیدنتی ایلهام علی یئوه چاتدیریب.
دؤولت باشچی‌سی سلام‌لارا گؤره میننتدارلیغینی بیلدیریب، اونون دا سلام‌لارینی تورکیه پرزیدنتینه چاتدیرماغی خواهیش ائتیب.
صحبت زامانی شوشا بیاننامه‌سی‌نین اؤنمی وورغولانیب. تورکیه پرزیدنتی رجب طیب اردوغانین آذربایجانا سونونجو سفری و همین سفر چرچیوه‌سینده زنگیلان و جبراییل شهرلرینده مهم تاسیس لرین آچیلیش‌لاریندا ایشتیراکی ممنونلوقلا قئید ائدیلیب. جمهور باشقانی رجب طیب اردوغان ایله ایکی گون اول تلفون دانیشیغینی خاطیرلا‌دان دؤولت باشچی‌سی تورکیه-نین الکتروموبیل اوره تیمینه باشلاماسینی تورکیه صنایعسی‌نین نؤوبتی اوغورو کیمی دیرلندیردی.
گؤروشده نقلیات علاقه‌لری‌نین اینکیشافی باخیمیندان زنگزور دهلیزی‌نین اهمیتی قئید اولوندو. آذربایجانین تورکیه اقتصادیاتینا 20 میلیارد دو‌لاردان آرتیق یاتیریم یاتیرماسی‌نین اؤنمی خصوصی اولا‌راق وورغولانیب، تیجارت دؤوریه‌سی‌نین آرتدیغی، انرژسی ساحه‌سینده اوغورلو امکداشلیغین حیاتا کئچیریلدیگی بیلدیریلیب. گاز صادراتی مسئله‌سینه توخونولا‌راق گونئی گاز دهلیزی‌نین اهمیتی قئید ائدیلیب، بو دهلیزین صادرات ایمکان‌لاری‌نین گئنیشلندیریلمه‌سی‌نین اؤنمی وورغولانیب.
گؤروشده، عینی زاماندا، نقلیات و تیجارت ساحه‌لرینده امکداشلیغین پرسپکتیو‌لری ایله باغلی فیکیر موبادیله‌سی آپاریلیب.
پرزیدنت ایلهام علی یئو تورکیه-نین باشقان یاردیمجیسی‌نین شوشایا پلان‌لاش‌دیریلان سفرینی آلقیشلادیغینی بیلدیریب.
