آذربایجان-ارمنیستان سرحدینه ایزله‌مه هیئتی یئرلشدیرله‌جک
جوزپ بورل، گلن هفته‌لرده آذربایجانلا اولان اولوسلارآراسی سرحدین ارمنیستان طرفینده ۴۰ نفرین یئرلش‌دیریله‌جگینی بیلدیردی
آوروپا بیرلیگی، آذربایجان-ارمنیستان سرحدینه طرفلر آراسیندا سرحدین معینلشدیریلمه‌سینه کؤمک ائتمک اوچون، مولکی ایزله‌مه هیئتی تعیین ائد‌جک.
آوروپا بیرلیگینین خاریجی ایلیشکیلر و گوونلیک سیاستی یوکسک نماینده‌سی جوزپ بورل، خاریجی ایشلر باخانلارینین لوکزمبورگ‌دا گؤروشمه‌سیندن سونرا مطبوعاتا آچیقلاما وئردی.
باخانلارین آذربایجان-ارمنیستان سرحدینه نظامی اولمایان هیئت گؤندرمه‌سینه مثبت باخدیقلارینی دئیه‌ن جوزپ بورل، گونئی قافقازین آوروپابیرلیگی اوچون بؤیوک اؤنم سداشیدیغینی و بؤلگه‌یه ایلک دفعه بئله بیر هیئت گؤندردیکلرینی وورغولادی.
بورل، گلن هفته‌لرده آذربایجانلا اولان اولوسلارآراسی سرحدین ارمنیستان طرفینده ۴۰ نفرین یئرلش‌دیریله‌جگینی بیلدیردی.
بونون طرفلرین طلبی ایله آلینان بیر قرار اولدوغونو دئیه‌ن بورل، اکیبین حاضیردا ارمنیستان‌دا اولدوغونو، اونا گؤره ده قیسا مدتده یئرلش‌دیریله‌بیله‌جگینی ایفاده ائتدی.
آوروپا شوراسی باشقانی چارلز میشل ده توییترده‌کی پایلاشیمیندا،
"ارمنیستانین آذربایجانلا اولان اولوسلارآراسی سرحدی بویونجا گؤزلم اکیبینین سرعتله یئرلشدیریلمه‌سینی ممنونلوقلا قارشیلاییرام" دئیه یازدی.
