آذربایجان، ارمنیلرین ائلچیلیکلره سالدیریلارینی قینادی

آذربایجان، ارمنی قروپلارینین آذربایجانین یورددیشیندا‌کی ائلچیلیکلرینه سالدیری گیریشیملرینه تپکی وئردی.

آذربایجان خاریجی ایشلر باخانلیغینین آچیقلاماسیندا، سون گۆنلرده آذربایجانین خاریجی اؤلکه‌لرده‌کی دیپلوماتیک نماینده‌لیکلرینین بینالارینا ارمنی توپلولوقلارینین سالدیری گیریشیملریندین جدی قایغیلارا یول آچدیغی بیلدیریلدی.

آچیقلامادا، "واندالیزم و ترور عنصورلاری احتوا ائدن گیریشیملرین، دیپلوماتلارین جان و ماللارینا صرر وئرمه آماجی داشیدیغی و بو سببله سوچ عنصورو میدانا گتیرن حرکتلر" اولاراق" گؤرولدوگو قید ائدیلدی.

آچیقلامادا،

"رادیکال ارمنی قروپلارین جیناسوچ اولان حرکتلرینی شدتله قیناییر و ایلگیلی اؤلکه‌لرده بئله تخریباتلارین قارشیسینین آلینماسیندان مسئول اولان قوروملاردان اؤز وظیفه‌لرینه مسولیتله یاناشمالارینی گؤزله‌ییریک. آذربایجان، رادیکال ارمنی قروپلارین تؤرتدیگی واندالیزمین ایلگیلی دؤولتلرین آراشدیریلماسینی و بو سوچلاری تؤره‌دنلرین ائتدیکلرینین حقوقی اولارق دگرلندیریلمه‌سینی طلب ائدیر" ایفاده‌لرینه یئر وئریلدی.

سوسیال شبکه‌لرده، آمریکا، فرانسا و لبنان‌داکی آذربایجانین ائلچیلیکلرینه ارمنی قروپلاری طرفیندن سالدیری گیریشیمنه دایر گؤرونتولر پایلاشیلمیشدی.

آذربایجانین پاریس‌ده‌کی ائلچیسی رحمان مصطفی‌یئو، ائلچیلیک بیناسینا ائدیلن سالدیرینین گؤرونتوسونو، تویتتر حسابیندان پایلاشدی.

مصطفی‌یئو، فرانسالی ارمنی فاناتیکلرین آذربایجانین پاریس‌ده‌کی ائلچیلیک بیناسینا سالدیریدیغینی ایفاده ائتدی.

"اما ارمنی باربارلاری بیر کنارا قویاق" دئیه یازان مصطفی‌یئو، فرانسا جمهورباشقانی امانوئل مکرونون توئییتر حسابینی ائتیکتله‌یه‌رک، "ائلچیلیکلرینی قورومایان و گۆونلیکلری ایله باغلی حاقلی طلبلرینی گؤزرمزدن گلن" فرانسایا تپکی گؤستردی.

مصطفی‌یئو، بو وضعیتین فرانسا اوچون اوتانج قایناغی اولدوغونا ایشاره ائتدی.