آذربایجان، ۸ عسگری ارمنیستانا قایتاردی
قایتاریلانلارین، ۱۶نوامبردا کلبجرده ایکی اؤلکه سرحدی ایستیقامتینده تخریباتا گیریشیرکهن گؤزآلتینا آلینان عسگرلر اولدوغو بیلدیریلدی
آذربایجان، گؤزآلتینداکی ۸ عسگری ارمنیستانا قایتاردی.
آذربایجان، اسیر، ایتکین و گیروو آلینمیش وطنداشلاردان سورملو دؤولت کمیتهسیندن وئریلهن آچیقلامادا، قایتاریلانلارین ۱۶نوامبردا کلبجرده ایکی اؤلکه سرحدی ایستیقامتینده تخریباتا گیریشیرکهن گؤزآلتینا آلینان عسگرلر اولدوغو بیلدیریلدی.
آچیقلامادا، ارمنیستان طرفی بو آددیما قارشیلیق اولاراق ۱.جی قاراباغ ساواشیندا اؤلدورولن و توپلو مزارلاردا دفن اولوندوغو تخمین ائدیلهن آذربایجانلی مولکی وطنداش و عسگرلرله باغلی بیلگیلر، هابئله توپلو مزارلارین یئرلری ایله باغلی بیلگیلری آذربایجانا وئرمهلی اولدوغو ایفاده ائدیلدی.
آذربایجان پرزیدنتی ایلهام علییئو؛ ارمنیستانین باشباخانی نیکول پاشینیان، فرانسا پرزیدنتی امانوئل مکرون و آوروپا بیرلیگی شوراسی باشقانی شارل میشل ایله ۴ فوریهده تشکیل ائتدیگی دؤردلو ویدئو کنفرانسدا، ۱.جی قاراباغ ساواشیندا ایتکین دوشن آذربایجان وطنداشلارینین وضعیتینی گوندهمه گتیرمیشدی. پاشینیان ایسه کونفرانسدا بو مسئلهده امکداشلیق ائدجگینه دایر سؤز وئرمیشدی. فرانسا پرزیدنتی مکرون دا بو قونویا دستک وئرمیشدی.
ایلگیلیلی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.