ایران‌دان، تورکیه و آذربایجان آچیقلاماسی
«ایشغال‌دان آزاد ائدیلمیش بؤلگه‌لر ندنی ایله آذربایجان یؤنتیمی و خالقینی تبریک ائتدیک و بونون ایل‌دؤنومونو ده ممنونیت ایله قارشیلاییریق»
ایران خاریجی ایشلر باخانلیغی سؤزچوسو سعید خطیب‌زاده، تورکیه ایله ایران آراسیندا ایلیشکیلرین بوتون ساحه‌لرده گلیشدیگینی بیلدیردی.
خطیب‌زاده تهران‌دا خاریجی ایشلر باخانلیغی بیناسین‌دا گئچیریله‌ن هفته‌لیک مطبوعات توپلانتیسین‌دا ژورنالیستلرین گوند‌مله باغلی سواللارینی جاوابلاندیردی.
آنکارا ایله تهران آراسیندا ایلیشکیلرین سیاسی، سوسیال، اقتصادی و گوونلیک ساحه‌لرین‌ده گلیشدیگینی دئیه‌ن خطیب‌زاده:
«تورکیه ایله ایران آراسینداکی امکداش‌لیق ظرفیتی گرچکلشندن آرتیقدیر. بیز سون ایللرده یاخین ایلیشکیلر ایچینده اولدوق و حیاتا گئچیریله‌جک بیر چوخ پروژه وار. یاخین گله‌جک‌ده تورکیه ایله یوکسک سویه‌لی دیپلوماتیک سفرلر اولاجاق» ایفاده‌لرینی ایشلتدی.
سون ۳۰ ایلده آذربایجان تورپاقلارینین (ارمنیستان طرفیندن) ایشغال ائدیلمه‌سینه قارشی اولدوقلارینی و آذربایجانین تورپاق بوتؤولویونو و اگمنلیگینی ساووندوقلارینی دیله گتیرن ایرانلی سؤزچو:
«ایشغال‌دان آزاد ائدیلمیش بؤلگه‌لر ندنی ایله آذربایجان یؤنتیمی و خالقینی تبریک ائتدیک و بونون ایل‌دؤنومونو ده ممنونیت ایله قارشیلاییریق» دئدی.
تهران و باکی‌نین ایلیشکی‌لری گلیشدیرمکدن یانا اولدوغونو و خاریجی ایشلر باخانلارینین منتظم اولاراق گؤروشدوگونو بیل‌دیر‌ن خطیب‌زاده،
«ایلیشکیلر گلیشمه‌سینی و مطبوعات اۆزریندن گرچکلشن یانلیش آنلاشیلمالارین تکرارلانماماسینی آرزو ائدیرم» دئدی.
