اردوغان، تورک کنه‌شی باش ساوجیلار شوراسینا سسلندی
"۱۲ ایل اؤنجه قوردوغوموز تورک شوراسی بیرلیک و دایانیشمامیزین سمبوللارین‌دان بیری‌دیر"
جمهورباشقانی رجب طیب اردوغان، ترور، یاسادیشی کؤچ، سرحدی آشان سوچلار کیمی تهدیدلرین آرتدیغی بیر واخت‌دا؛ یارغی اورگانلارینین یئنی دیالوگ اورتامینین یارادیلماسینا بؤیوک اؤنم وئردیکلرینی بیلدیردی.
جمهورباشقانی اردوغان باکی‌دا گئچیریله‌ن تورک کنه‌شی باش ساوجیلار شوراسینا ویدئو مئساژ گؤندردی.
شورانین تورک دونیاسی اوچون فایدالی اولماسینی دیله‌ین اردوغان:
"۱۲ ایل اؤنجه قوردوغوموز تورک شوراسی بیرلیک و دایانیشمامیزین سمبوللارین‌دان بیری‌دیر. ۱۲ ایلده قورومساللاشماسینی تاماملایان تورک شوراسینین دونیا میقیاسین‌دا دا اعتباری آرتیر. تورک شوراسی یئنی قاتیلیملارلا گوجونو آرتیرارکن، بؤلگه‌سل بیر امکداش‌لیق فورماتین‌دان چیخیب اولوسلارآراسی بیر قورولوش قازانیر. شورامیزلا امکداش‌لیق ائتمک و شورامیزا گؤزلمچی اولماق ایسته‌گینی بیلدیره‌ن اؤلکه‌لرین ساییسی گوندن گونه آرتیر" دئیه دانیشدی.
جمهورباشقانی اردوغان، تورک دونیاسی اؤلکه‌لری بیر طرفدن چوخ اولوسلو پلتفورملاردا اؤز وطنداشلارینین حقوق و چیخارلارینی مدافعه ائدرکه‌ن، دیگر طرفدن ده تورک دونیاسینی بیر آرایا گتیره‌ن تک تشکیلات اولان تورک شوراسینین دایانیشماسینی گوجلندیردیگینی وورغولادی.
اردوغان،
"تروریزم، یاسادیشی کؤچ، سرحدی آشان سوچلار کیمی بیزه و وطنداشلاریمیزا بیرباشا تأثیر ائد‌ن تهدیدلرین آرتدیغی بیر واخت‌دا یارغی اورگانلاریمیز طرفین‌دن یئنی دیالوگ اورتاملارینین یارادیلماسینا بؤیوک اؤنم وئریریک. باش ساوجیلیقلاریمیز آراسیندا تجروبه و بیلگی پایلاشیمینی آرتیراجاق، ارتباط و امکداش‌لیغی داها دا ائتکیلی حالا گتیره‌جک بو تاریخی آددیم بیزی هدفلریمیزه داها دا یاخینلاشدیراجاغینا اینانیریق" دئدی.
