افغانیستان عسگرلری هلیکوپترله اؤزبکیستانا گئتدی
بعضی باسین اورگانلاری، افغانیستانین اسکی جمهورباشقانی یاردیمچیسی مارشال رشید دوستومون اؤزبکیستانا گئچدیگینی ادعا ائتمیشدی
افغانیستان‌دا طالبان‌دان قاچان عسگرلر اؤزبکیستاندا هلیکوپترله پامبیق تارلاسینا ائندی.
اؤزبکیستاندا طالبان‌دان قاچان ۲۰دن چوخ افغانیستان عسگری ده داخیل اولماقلا ایکی حربی هلیکوپترین افغانیستانلا سرحد یاخینلیغین‌داکی سرخان‌دریا بؤلگه‌سین‌ده‌کی پامبیق تارلاسینا ائنمه‌سینین ویدئولاری سوسیال مئدیادا یاییملاندی.
گئجه چکیله‌ن ویدئودا، اؤزبکیستانلی مأمورون ساحه‌یه ائنن ۲ هلیکوپتر‌ده افغانیستان عسگرلرین‌دن کیم اولدوقلارینی و آرالاریندا یارالیلارین اولوب اولمادیغینی سوروشدوقلاری و افغانستان عسگرلرینین پیلوت اولدوقلارینی سؤیله‌دیکلری گؤرولور.
ویدئودا اؤزبکیستانلی مامور "بورا نیه ائندینیز؟" سوروشونجا افغانیستانلی عسگر اؤزبکجه "افغانیستان‌دا ساواش اولدو. طالبان کابلو آلدی. بیز ده بؤلگه‌دن قاچدیق. باشقا چاره‌میز قالمادی. بورا ائنمک مجبوریتین‌ده قالدیق" دئدی.
گؤرونتونون سونوندا اؤزبکیستانلی مامورلارینین سؤزوگئدن هلیکوپترلری هاوا لیمانینا آپارماق اوچون هلیکوپترلره میندیکلری گؤرونور.
اؤزبکیستان باش ساوچیلیغی وئردیگی آچیقلامادا، افغانیستان سلاحلی گوجلرینه عاید ۵۸۵ افغانیستان عسگرینی داشییان ۲۲ حربی اوچاغین و ۲۴ هلیکوپترین ۱۴-۱۵ آگوست تاریخلرین‌ده اؤزبکیستانین هاوا ساحه‌سینی پوزاراق اؤلکه‌یه داخیل اولدوغو بیلدیریلدی. آچیقلامادا، خان‌آباد هاوا لیمانینا ائنمک ایسته‌یه‌ن بیر افغانیستان اوچاغینی ترمذ هاوا لیمانینا یؤنلتمک اوچون هاوایا قالخان میگ-۲۹ اؤزبک حربی اوچاغینین افغانیستان اوچاغی ایله توققوشاراق سرخان‌دریا بؤلگه‌سینه دوشدوگو، پیلوتلار چترله آتیلدیغی بیلدیریلدی.
بو آرادا طالبان‌دان قاچان ۱۵۸ افغانیستان وطنداشی، افغانیستانلا سرحد اولان جیحون چاییندان اۆزه‌رک اؤزبکیستانا گئچدی.
اؤزبکیستان باش ساوچیلیغینین وئردیگی آچیقلامادا، آرالاریندا عسگرلرین ده اولدوغو ۱۵۸ افغانیستان وطنداشینین دونن جیحون چایی اوزرین‌دن یاسادیشی اولاراق اؤزبکیستانین ترمیذ ائلچه‌سینه "سیزدیغی" بیلدیریلدی.
آچیقلامادا، مسئله ایله باغلی سوروشدورما باشلادیلدیغی بیلدیریلدی.
بعضی باسین اورگانلاری دا، افغانیستانین اسکی جمهورباشقانی یاردیمچیسی مارشال رشید دوستومون اؤزبکیستانا گئچدیگینی ادعا ائتمیشدی.
افغانیستانلا ۱۴۴ کیلومترلیک سرحدی اولان اؤزبکیستانا ۱۴ آگوست‌دا طالبان سالدیریلارین‌دان قاچان اوچو یارالی ۸۴ افغانیستان عسگری سیغینمیشدی.
ایلگیلی‌لی خبرلر
آذربایجاندان فرانسایا اویاری
"فرانسانین قارالاما کمپینلری، اویغونسوز آچیقلامالاری و تخریباتلاری جاوابسیز قالمایاجاق"
