تورک شوراسینین آد دییشیکلیگی ایله باغلی مراجعت
حاضردا ان اویغون سئچهنک کیمی «تورک دؤولتلری بیرلیگی» ایفادهسی رسمی قوروملار و گئنیش اجتماعیت طرفیندن تکلیف کیمی سسلهنمکدهدیر
اجتماعی تشکیلاتلارین تورک شوراسینین آد دییشیکلیگی ایله باغلی
مراجعتی
باکی شهری، ۰۷ آگوست ۲۰۲۱.جی ایل
سون دؤورلر تورک دؤولتلری آراسیندا بیرلیک و امکداشلیق پروسهلری سرعتلهنمکدهدیر. بونونلا باغلی ان مختلف چالیشمالار حیاتا گئچیریلیر. بونلاردان بیری ده تورک دؤولتلری طرفیندن یارادیلان، اولوسلارآراسی تشکیلات اولاراق چوخ ثمرهلی چالیشمالار حیاتا گئچیرهن تورک شوراسینین (تورک دؤولتلرینین امکداشلیق شوراسینین) ۲۰۱۹.جو ایلده باکیدا گئچیریلهن توپلانتیسیندا قورومون آدینین دییشدیریلمهسینین تکلیف ائدیلمهسی ایدی.
اؤتن دؤورده بو ایستیقامتده تورک دؤولتلرینین رسمی و اجتماعی قوروملاری طرفیندن آکتیو شکیلده مذاکرهلر آپاریلماقدادیر. بو مذاکرهلرین گئچیریلمهسی، تشکیلاتین آدینین دییشدیریلمهسی و گلهجک اینکیشاف پرسپکتیوینه اویغون یئنی بیر آد سئچیلمهسی تورک دونیاسی اوچون چوخ فایدالی اولابیلر.
حاضردا ان اویغون سئچهنک کیمی «تورک دؤولتلری بیرلیگی» ایفادهسی رسمی قوروملار و گئنیش اجتماعیت طرفیندن تکلیف کیمی سسلهنمکدهدیر. آذربایجانین بیر قروپ اجتماعی تشکیلاتی اولاراق حساب ائدیریک کی، تورک دؤولتلرینین امکداشلیق شوراسینین بینالخالق تشکیلات کیمی اوینادیغی رولون، گلهجکده داها دا آکتیو بیر فورماتدا داوام ائتمهسی اوچون «تورک دؤولتلری بیرلیگی» دئیه آدلاندیریلماسی چوخ اویغون بیر سئچیم اولاردی. قورومون یئنی آدی اونون فعالیتینی، گئنیشلهنمهسینی، گؤردویو ایشلری تام اولاراق احاطه ائدهبیلیر.
اینانیریق کی، بو مذاکرهلر تورک دؤولتلرینین رسمی قوروملارینین قبول ائتدیگی اویغون قرارلا بیتهجک و گلینهن نتیجه تورک دونیاسینین اینکیشافیندا یئنی بیر مرحلهنین باشلانغیجی اولاجاق.
جیران ستارووا
آنتالیا آذربایجان کولتور و دایانیشما درنهگی،
فواد حسینزاده
دیاسپور فعالیتینه ژورنالیستلرین دستگی تشکیلاتی،
ائلمان جعفرلی
یاشیل دونیا ائکولوژیک معاریفلهندیرمه بیرلیگی،
ائلچین خالیدبیلی
«موستقیل مطبوعات مرکزی» اجتماعی بیرلیگی،
موباریز گؤیوشلو
معاصر اینکیشاف بیرلیگی،
دیانت عثمانلی
تورک دونیاسی اینفو تشکیلاتی،
علیاؤوسط آللهوئردیئو
«اوغور» گنجلرین معاریفلندیریلمهسی اجتماعی بیرلیگی،
عاقیل ائیوازوو
اقتصادیات و حقوق تشکیلاتی،
بختیار حسنوو
سوسیال اینکیشافا دستک تشکیلاتی،
نامیق سردارلی
کؤنوللولوک فعالیتینین تبلیغی گنجلر بیرلیگی،
ائلدنیز سالمانوو
تورک دؤولتلریله دوستلوق و مدنی علاقهلر جمعیتی،
زائور اوروجوو
ضررلی وردیشلره قارشی مبارزه اجتماعی بیرلیگی