تبریزده گؤزآلتینا آلینان تورک آکتیویست تهرانا گؤندریلدی
آذربایجانلی آکتیویستین، تهرانین اوین حبسخاناسی قرنطینه بؤلومونه آپاریلدیغی بیلگیسینی، تلفندا عایلهسی ایله پایلاشدیغی بیلدیریلیر
تیر آیینین ییرمی سککیزینده تبریزده گؤز آلتینا آلینان تورک آکتیویست اکبر نعیمینین تهرانین اوین حبسخاناسینا آپاریلدیغی بیلدیریلدی.
خوی دوغوملو مهندس نعیمی، "یاسادیشی قروپلارا عضو اولما"، "اؤلکه امنیتینه قارشی توپلانما و دانیشیق"، "نظام قارشیدلاری لهینه تبلیغی فعالیت" سوچلامالاری ایله سیراسیلا ۵ ایل، ۴ ایل و ۸ آی، توپلامدا ۹ ایل ۸ آی تعزیری حبس و ایکی ایل "یورددیشینا چیخیش و سیاسی-مدنی قروپ و حزبلره عضولوک یاساغی" تکمیلی جزایا محکوم ائدیلمیشدی. بو حکم تهران محکمهسی طرفیندن عینی ایله تایید ائدیلدی. حکمون ۵ ایلی قطعیدیر و ایغولانابیلیر.
آذربایجانلی آکتیویستین، تهرانین اوین حبسخاناسی قرنطینه بؤلومونه آپاریلدیغی بیلگیسینی، تلفندا عایلهسی ایله پایلاشدیغی بیلدیریلیر.
اکبر نعیمی، داها اؤنجه ۱۳۹۸.جی ایل بهمن آیینین ایکیسینده، تهراندا ایش یئرینده گؤزآلتینا آلینمیش، ایکی آی سونرا گوونجه ایله گئچیجی اولاراق سربست بوراخیلمیشدی.
تورک آکتیویست، خویدا اورین موسسهسینین مرکزی شورا عضولریندن و لغو ائدیلن "گونهباخان" جمعیتینین قوروجولاریندان بیردیر.