آذربایجاندان قوزئی قیبریس تورک جمهوریتینه ایلک رسمی سفر
سیدوو، "تورکیهنین گوجو، آذربایجانین گوجودور، قوزئی قیبریس تورک جمهوریتینین گوجودور" دئیهرک تورک دونیاسینین بیرلشمهسینی دیلهدی
آذربایجان ملی مجلسی خاریجی ایشلر و پارلمانلار آراسی ایلیشکیلر کمیتهسی هئیتی، ایلک دفعه رسمی اولاراق قوزئی قیبریس تورک جمهوریتینه گئتدی.
هئیت، جمهورباشقانی ارسین تاتار، جمهوریت مجلسی باشقانی اؤندر سنناراوغلو و باشباخان ارسان سانار طرفیندن قبول ائدیلدی.
صمد سیدوو باشقانلیغینداکی هئیت، ایلک اولاراق جمهورباشقانی تاتار طرفیندن قبول ائدیلدی.
جمهورباشقانلیغیندان وئریلن یازیلی آچیقلامایا گؤره، تاتار، تورکیهنین آذربایجان ایله یاخینلیغینی بؤیوک بیر سئوینجله قارشیلادیغینی ایفاده ائدرک،
"بیر ملت اوچ دؤولتیک. هامیمیز تورک سویوندان گلیریک" دئدی.
آذربایجاندا دا شهیدلر وئریلدیگینی، ظلم و آجیلار چکیلدیگینی ایفاده ائدن تاتار، "سیزلرین آجیسی بیزیم آجیمیز اولموشدور" دئدی.
آذربایجان ملی مجلسی خاریجی ایشلر و پارلمانلار آراسی ایلیشکیلر کمیتهسی باشقانی سیدوو دا، "تورکیهنین گوجو، آذربایجانین گوجودور، قوزئی قیبریس تورک جمهوریتینین گوجودور" دئیهرک تورک دونیاسینین بیرلشمهسینی دیلهدی.
داها سونرا جمهوریت مجلسی باشقانی سنناروغلو طرفیندن قبوللاری سیراسیندا دا،
"بیز بیر ملت ایکی دؤولتیک، اوچونجوسو ده آرتیق بورادادیر" دئیهن سیدوو، بو گون تورکیهنین و آذربایجانین گوجویله گوجلندیکلرینی و قوزئی قیبریس تورک جمهوریتینین گوجلنمهسی ایله بوتون تورک دونیاسینین گوجلنهجگینی سؤیلهدی.
سیدوو، باشباخان سانار طرفیندن قبوللاریندا ایسه آوروپا شوراسیندا قوزئی قیبریس تورک جمهوریتینین حاقلارینی و عدالتی مدافعه ائدجکلرینی ایفاده ائتدی.