بردی‌محمدوو، تورک کنه‌شی‌نین ذیروه توپلانتیسینا قاتیلاجاق
تورک شوراسی باش یازمانی امره‌یئو، بردی‌محمدووون بو ییغینجاغا قاتیلاجاق اولماسینین تورک دونیاسین‌داکی بیرلیگی سرگیله‌یه‌جگینی ایفاده ائتدی
تورکمنیستان جمهورباشقانی قوربانقولو بردی‌محمدوو، نوامبر ۲۰۲۱ده ایستانبول‌دا ائدیلمه‌سی پلانلانان تورک اؤلکه‌لری امکداش‌لیق شوراسی (تورک کنه‌شی) ۸.جی ذیروه‌سینه قاتیلاجاغینی تایید ائتدی.
قوربانقولو بردی‌محمدوو، تورکمنیستانا سفرائد‌ن تورک شوراسی باش یازمانی بغداد امره‌یئوی قبول ائتدی.
قبول‌دا دانیشان بردی‌محمدوو، اؤلکه‌سینی تورک دونیاسی عائله‌سینین آیریلماز عضوو اولاراق گؤردویونو، ایللرجه تورک دؤولتلری ایله قارداش‌لیق ایلیشکیلری ایچریسین‌ده اولدوقلارینی سؤیله‌دی.
بردی‌محمدوو، تورکمنیستانین تورک شوراسینین اورتاق چیخار ساحه‌لرین‌ده‌کی پروژه‌لرین‌ده ایشتیراک ائتمه‌یه حاضر اولدوغونو ایفاده ائد‌رک، تورک دونیاسیندا آرتان ارتباطین گله‌جک ایللرده ده داوام ائتمه‌سینی اومود ائتدیگینی ایفاده ائتدی.
تورک شوراسی عضوو اؤلکه‌لرین جمهور باشقانلارییلا سون گؤروشمه‌لریندن بحث ائد‌ن بردی‌محمدوو، نوامبر ۲۰۲۱ده ایستانبول‌دا ائدیلمه‌سی پلانلانان ذیروه توپلانتیسینا قاتیلاجاغینی بیلدیردی.
تورک شوراسی باش یازمانی امره‌یئو، تورک شوراسی ۸.جی ذیروه‌سینین داوام ائد‌ن حاضرلیقلاری حاقین‌دا معلومات وئره‌رک بردی‌محمدووون بو ییغینجاغا قاتیلاجاق اولماسینین تورک دونیاسین‌داکی بیرلیگی سرگیله‌یه‌جگینی ایفاده ائتدی.
