تورک دونیاسینین دوننی، بو گونو و گلهجگی سمپوزیومو
"بیز تورکلر؛ عینی دینه اینانان، عینی دیلی دانیشان، مدنیتی، تاریخی، کولتورو بیر اولان ۳۰۰ میلیونلوق چوخ بؤیوک بیر عایلهییک"
تورکیه بؤیوک ملت مجلسی باشقانی مصطفی شنتوپ، تورک دونیاسی ایچیندهکی دایانیشمانیننین هر گئچهن گون داها دا گوجلهنمهسی، امکداشلیغین داها دا آرتماسینین افتخار قایناغی اولدوغونو ایفاده ائتدی.
شنتوپ، تورک جمهوریتلرینین مستقللیکلرینی قازانمالارینین ۳۰.جو ایلی، آذربایجانین ایکینجی قاراباغ ساواشینداکی بؤیوک ظفری و تورکیه بؤیوک ملت مجلسینین آچیلیشینین ۱۰۰.جو ایلی وسیلهسیله تورکپا اولوسلارآراسی یازمانلیغی و آذربایجان آتاتورک مرکزی امکداشلیغی ایله گرچکلشدیریلن "تورک دونیاسینین دوننی، بو گونو و گلهجگی سمپوزیومو"نا ویدئو مئساژ گؤندردی.
مئساژیندا ،"تورک دونیاسی ایچیندهکی دایانیشمانین هر گئچهن گون داها دا گوجلهنمهسی، امکداشلیغیمیزین داها دا آرتماسی بیزلر اوچون افتخار قایناغیدیر" ایفادهسینی ایشلدن شنتوپ،
"بیزلر؛ عینی دینه اینانان، عینی دیلی دانیشان، مدنیتی، تاریخی، کولتورو بیر اولان ۳۰۰ میلیونلوق چوخ بؤیوک بیر عایلهییک. سیاستدن اقتصادا، ساوونمادان دیپلوماسییه، تحصیلدن مدنیته، توریزمدن انرژییه هر ساحهده بیرلیک، برابرلیک و دایانیشما ایچینده اولماق چاباسینداییق" دئدی.
شنتوپ، تورک جمهوریتلرینین، گلهجکدهکی اساس مسئولیتینین آرالارینداکی باغلاری داها دا گوجلهندیرمک، امکداشلیغی ایرلیلتمک و تورک مدنیتینین ابدی باقی قالماسینی تامین ائدجک آددیملاری آتماق اولدوغونو وورغولادی.
آذربایجانین، قافقازلارین اینجیسی قاراباغی (ارمنی) ایشغالیندان آزاد ائتمک اوچون تاریخی بیر مبارزه سرگیلهدیگینی ایفاده ائدن شنتوپ،
"قارداشلاریمیز؛ اینانجلاری، اورکلری، جسارتلری و عزملری ایله اؤلکهلرینین استقلالینین و گلهجگینین ان بؤیوک ضمانتی اولدوقلارینی جبههدن بوتون دونیایا اعلان ائتدیلر" دئدی.
شنتوپ،
"تورکیه اولاراق بؤلگهسل امکداشلیق گیریشیملریمیزی اؤلکهلریمیزین و خالقلاریمیزین منفعتی ایستیقامتینده داوام ائتدیرمهیه قرارلی اولدوغوموزو بورادان بیر دفعه داها ایفاده ائتمک ایستهیرهم" دئدی.