شوشادا ۲۹ ایل سونرا ایلک بایرام نامازی قیلیندی
استراتژیک اؤنم داشییان شوشا، ۸ می ۱۹۹۲ده ارمنیستان گوجلری طرفیندن ایشغال ائدیلمیشدی
1638885
ارمنیستانین ایشغالیندان قورتاریلان قاراباغین سمبول شهری شوشادا ۲۹ ایل سونرا ایلک بایرام نامازی قیلیندی.
تاریخی یوخاری گؤوهر آغا مسجیدینده قیلینان نامازدا یئنی نسیل کوروناویروس تدبیرلری سببیندن یالنیز دین آداملاری ایشتیراک ائتدی.
شوشادا ۲۹ ایل سونرا قیلینان ایلک بایرام نامازی آذربایجانین میللی تلویزیونلاری طرفیندن جانلی یایینلاندی.
آذربایجان تاریخ و مدنیتینین سمبوللاریندان اولماسینین یانیندا هم بؤلگهیه حاکم جغرافی مؤوقعیتی هم ده داغلیق قاراباغین ان بؤیوک شهری خانکدییه گئدن یولون اوزرینده اولماسی سببیله استراتژیک اؤنم داشییان شوشا، ۸ می ۱۹۹۲ده ارمنیستان گوجلری طرفیندن ایشغال ائدیلمیشدی.
آذربایجان اوردوسو، شوشانی ۸ نوامبر ۲۰۲۰ده ایشغالدان قورتارمیشدی.