الهام علی یئو: "بیزیم داها 30 ایل گؤزلمهیه واختیمیز یوخدور"
بونو پرزیدنت الهام علی یئو "الجزیره" تلویزیون کانالینا وئردیگی موصاحیبهده دئییب.
"بیزیم داها 30 ایل گؤزلمهیه واختیمیز یوخدور. موناقیشه ایندی حل اولونمالیدیر".
بونو پرزیدنت الهام علی یئو "الجزیره" تلویزیون کانالینا وئردیگی موصاحیبهده دئییب.
دؤولت باشچیسی بیلدیریب: "ائرمنیستان باریش ایستمیر. اونلار بیزیم تورپاقلاری همیشهلیک ایشغال آلتیندا ساخلاماق ایستییرلر. اونلار ایستاتوس-کوونو دییشمک ایستمیرلر و بو دا موناقیشهنین بو قدر اوزون چکمهسینین سببیدیر. اگر ائرمنیستان ایراده گؤسترسیدی و اساس اولوسلار آراسی تشکیلاتلارین قطعنامه لرینه اویغون شکیلده داورانسایدی، موناقیشه اوزون ایللر بوندان اول حل ائدیلمیش اولاردی. چونکی 1993-جو ایلده ائرمنیستان اراضیلریمیزین بیر حیسهسینی ایشغال ائتدیکده بمت تهلوکهسیزلیک شوراسی قوشونلارین بیزیم اراضیلردن درحال، تام و قئید-شرطسیز چیخاریلماسی ایله باغلی دؤرد قطعنامه قبول ائتدی. لاکین بو قطعنامه لر نامهلر کاغیذ اوزرینده قالماقدادیر. حل یولونون تاپیلماسی اوچون واسیطهچیلیک آپارماق مقصدیله مینسک قروپو آرتیق 28 ایلدیر کی، فعالیت گؤستریر و هئچ بیر نتیجه یوخدور. قئید ائتدیگیم کیمی، اساس سبب ائرمنیستانین موضعی دیر، بیزیم داها 30 ایل گؤزلمهیه واختیمیز یوخدور. موناقیشه ایندی حل اولونمالیدیر".
پرزیدنت الهام علی یئو "آنکارانین بو موناقیشهیه حربی نقطه-نظردن اؤز طیاره لری و سایر ایله جلب اولونماسینا دایر ائرمنیستانین ادعالاری یالان معلوماتدیر” دئییب.
دؤولت باشچیسی بیلدیریب کی، بونون ثبوتو یوخدور: "من بونونلا باغلی آرتیق بیاناتلار وئرمیشم. تورکیه بیزیم قارداش اؤلکهمیزدیر. ائرمنیستانین هوجومونون ایلک گونوندن، ایلک ساعتیندان تورکیه آذربایجانا تام دستکینی ایفاده ائتدی. قارداشیم، پرزیدنت اردوغان دفعهلرله چوخ مهم بیاناتلار وئریب. پارلامئنتین آچیلیشیندا چیخیش ائدرکن او، داها بیر مهم بیانات وئردی کی، تورکیه آذربایجانین یانیندادیر و آذربایجان تک دئییل. بیز بو دستکی حیس ائدیریک. بیز تورک قارداشلاریمیزا، پرزیدنته و دیگر رسمی شخصلره چوخ میننتداریق. لاکین تورکیه هئچ بیر شکیلده موناقیشهیه جلب اولونماییب. ائرمنیستانین آرتیق مئدیادا یئر آلمایان فئیک خبرلریندن بیری اودور کی، تورکیه-یه مخصوص اف-16 طیارهسی ائرمنیستانین سو-25 طیارهسینی ووروب. بو، فئیک خبردیر. ثبوت هارادادیر؟ ثبوت یوخدور. یئره ائنن و هاوایا قالخان هر بیر طیاره کامپیوتردهدیر. هر کس نه باش وئردیگینی گؤره بیلر. من تعجبلنیرم نیه مینسک قروپونون همصدر اؤلکهلری – فرانسا، امریکا، روسیا بونا موناسیبت بیلدیرمیر. اونلار بو یالان خبره موناسیبت بیلدیرمیر. اونلارین بعضیلری آذربایجان و تورکیه-نین بورایا ترورچولار دعوت ائتمهسی کیمی باشقا جعلی خبرلره موناسیبت بیلدیریر".
دؤولت باشچیسی ائرمنیستانین تورکیه-نی سوریه-لی موخالیف دؤیوشچولری آذربایجانا گتیرمکده اتهام ائتمهسی ایله باغلی سوالا دا جاواب وئریب: “بو، تامامیله یالان خبردیر. عینیله تورکیه-یه مخصوص اف-16-نین اونلارین سو-25-نی وورماسی کیمی جعلی خبردیر. اونلارین سو-25 طیارهسی قضایا اوغراییب. منه معلومات وئریلمیشدی کی، او، پیلوتون تجروبهسیزلیگی اوجباتیندان داغا چیرپیلیب".
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک