الهام علی یئو:"قاراباغ بیزیمدیر، قاراباغ آذربایجانیندیر"
ارمنیستان سلاحلی قوهلری گئنیش میقیاسلی تخریبات تؤرهدهرک جبهه بویو زونادا یئرلشن آذربایجان اوردوسونون موضع لرینی و یاشاییش منطقهلرینی ایری چاپلی سلاحلار، توپ لار و موختلیف چاپلی سلاح لار ایله شدتلی آتشه توتوب.
سپتامبرین 27-ده ساعات 06:00 رادهلرینده ارمنیستان سلاحلی قوهلری گئنیش میقیاسلی تخریبات تؤرهدهرک جبهه بویو زونادا یئرلشن آذربایجان اوردوسونون موضع لرینی و یاشاییش منطقهلرینی ایری چاپلی سلاحلار، توپ لار و موختلیف چاپلی سلاح لار ایله شدتلی آتشه توتوب.
بو بارهده آذربایجان مودافعه ناظیرلیگیندن وئریلن بیاناتدا بیلدیریلیب. بیاناتدا قئید اولونوب کی،ارمنیستان طرفیندن ترتر رایونونون قاپانلی، آغدام رایونونون چیراقلی و اورتا قروند، فضولی رایونونون آلخانلی و شوکوربیگلی و جبراییل رایونونون جوجوق مرجانلی کندلرینین شدتلی آتشه توتولماسی نتیجهسینده سیویل اهالی آراسیندا هلاک اولان و یارالانانلار وار. سیویل آلت یاپی تاسیس لرینه جدی زیان دییب. ناظیرلیکدن همچنین بیلدیریلیب کی، ارمنیستان سلاحلی قوهلرینین دؤیوش آکتیولیگینین قارشیسینی آلماق، سیویل اهالینین تهلوکهسیزلیگینی تامین ائتمک مقصدیله آذربایجان اردوسونون قوموتانلیغی طرفیندن بوتون جبهه بویو عکس-هوجوم عملیاتی باشلاماسی بارهده قرار وئریلیب.
قورو قوشونلارینین، تانک بؤلمهلرینین راکت- توپچو بولمه لرینین، پیلوتسوز اوچوش آپاراتلارینین دستکی ایله ارمنیستان سلاحلی قوهلرینین اؤن خطده و مودافعهنین درینلیگینده یئرلشن خیلی سایدا جانلی قوهسی، حربی تاسیس لری و عسگری آراجلاری آشکار ائدهرک محو ائدیلیب دئیه بیلدیریلن بیاناتدا جبهه خطینین موختلیف ایستیقامتلرینده ارمنیستانا مخصوص 12 عدد OSA سیستمینین محو ائدیلدیگی وورغولانیب.
بیاناتدا آذربایجان حربی هاوا قوهلرینین جبههنین ترتر ایستیقامتینده بیر دؤیوش هلیکوپترینین وورولدوغو و اکیپاژ عضولرینین ساغ اولدوغو دا بیلدیریلیب.
آذربایجان پرزیدنتی الهام علی یئو ارمنیستانین سیویل وطنداشلارا قارشی هوجوملاری ایله باغلی بیلدیریب کی، ارمنیستانین باشلاتدیغی هوجوم نتیجهسینده شهید و یارالیلاریمیز وار. شهیدلریمیزین قانی یئرده قالمایاجاق. ارمنیستان اردوسونا مخصوص حربی تکنیکانی محو ائتدیک. ارمنیستان ایشغال ائتدیگی تورپاقلاریمیزا غیری-قانونی شکیلده یئرلشمهیه چالیشیر.
اؤز تورپاقلارینی مودافعه ائتدیکلرینی بیلدیرن الهام علی یئو دئییب: 'قاراباغ بیزیمدیر، قاراباغ آذربایجانیندیر.
آذربایجان مودافعه ناظیرلیگی فیزولی و جبراییل رایونلارینین 6 کندینین ایشغالدان آزاد ائدیلدیگینی آچیقلاییب.
ایلگیلیلی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.