الهام علی یئو:"تورک خالقینا سئوگیم سیرر دئییل"
آذربایجان پرزیدنتی الهام علی یئو ارمنیستانین هوجوملارینا قارشی اؤلکهیه دستک وئرن تورکیه پرزیدنتی رجب طیب اردوغانا تشککور ائدهرک "تورک خالقینا سئوگیم سیرر دئییل" دئییب.
آذربایجان پرزیدنتی الهام علی یئو ارمنیستانین هوجوملارینا قارشی اؤلکهیه دستک وئرن تورکیه پرزیدنتی رجب طیب اردوغانا تشککور ائدهرک "تورک خالقینا سئوگیم سیرر دئییل" دئییب.
شهید عائلهلری و غازی لره دؤولت طرفیندن ائو و اتومبیل لرین وئریلدیگی مراسیمده چیخیشیندا ارمنیستان اوردوسونون 12 ژوئیه دن اؤلکهیه هوجوملارینا توخونان الهام علی یئو بو مؤوضوعدا آذربایجانا ایلک دستکین تورکیه-دن گلدیگینی بو سؤزلرله ایفاده ائدیب: "اردوغان آذربایجانا آچیق شکیلده دستک گؤستردی، یانیمیزدا اولدوغونو تکرار ائتدی، ایکی قارداش اؤلکهنین بیرلیکده موباریزه آپاراجاغینی دئدی. بو دستک اوچون قارداشیما درین تشککورومو بیلدیریرم. سون گونلر تئز-تئز دانیشیریق. منه زنگ ائدیر، دستکینی دیله گتیریر، شهیدلریمیزه باش ساغلیغی دیلییر، سونا قدر بیرلیکده اولاجاغیمیزی سؤیلییر.
تورکیه و آذربایجان قدر بیر-بیرینه بو قدر یاخین باشقا اؤلکه یوخدور. منیم هر واخت دوستوم و قارداشیم اردوغانا بؤیوک حؤرمتیم وار. تورک خالقینا سئوگیم سیرر دئییل. عینی زاماندا، تورکیه-نین دیگر یوکسک وظیفهلی مامورلاری - مودافعه ناظیری، خاریجی ایشلر ناظیری و میللت وکیللری ده آذربایجانا تام دستکلرینی ایفاده ائدیرلر. تشککورومو بیلدیریرم."
ایلگیلیلی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.