قازاقیستان ۶۵ میلیون تن نفت صادر ائتدی
قازاقیستان‌دا ۲۰۲۳.جو ایلده نفت اۆرتیمینین ۱۰۰ میلیون تنا چاتماسی گؤزلنیلیر
قازاقیستان انرژی باخانینین یاردیمچیسی آسئت ماگائووو، ژانویه-نوامبر دؤورون‌ده ۶۵،۷ میلیون تن نفت صادر ائتدیکلرینی بیلدیردی.
ماگائووو، قازاقیستان باشباخانلیغی مطبوعات مرکزین‌ده تشکیل ائتدیگی مطبوعات کنفرانسین‌دا، سؤز قونوسو دؤورده اؤلکه‌ده ۸۲،۵ میلیون تن نفت چیخاریلدیغینی ایفاده ائد‌رک،
"ایل سونونا قدر ۹۰،۵ میلیون تن نفت چیخاریلماسی گؤزلنیلیر" دئدی. نفت اۆرتیمینین یوزده ۶۰ینین بؤیوک نفت قویولاری تئنگیز، کاشاغان و قاراچیغاناک‌دان الده ائدیلدیگینی قید ائدن ماگائووو، ایلین ۱۱ آیین‌دا سؤز قونوسو اوچ قویودان ۵۰،۱ میلیون تن نفت چیخاریلدیغینی بیلدیردی.
بو ایل تخمین ائدیله‌ن نفت صادراتینین ۷۰،۵ میلیون تن اولدوغونو سؤیله‌یه‌ن ماگائووو، ایلین ۱۱ آیین‌دا ۶۵،۷ میلیون تن نفت صادر ائدیلدی" معلوماتینی وئردی.
ماگائووو، بو دؤورده اؤلکه‌ده ۱۵،۷ میلیون تن نفتین آریندیریلدیغی، ایل سونونا قدر بو رقمین ۱۷ میلیون تنا چیخاریلماسینین هدفلندیگینی قید ائتدی.
قازاقیستان‌دا ۲۰۲۳.جو ایلده نفت اۆرتیمینین ۱۰۰ میلیون تنا چاتماسی گؤزلنیلیر.
