چاووش اوغول دغو آغ دنیزیندکی فعالیتلر بارهسینده آچیقلاما وئردی
خاریجی ایشلر ناظیری مولود چاووش اوغلو هئچ کسین تورکیه-نین دوغو آغ دنیزیندکی فعالیتلرینه مانع اولا بیلمهیهجگینی سؤیلهدی.
خاریجی ایشلر ناظیری مولود چاووش اوغلو هئچ کسین تورکیه-نین دوغو آغ دنیزیندکی فعالیتلرینه مانع اولا بیلمهیهجگینی سؤیلهدی.
مولود چاووش اوغلو قوزیی قیبریس تورک جمهوریتینه (KKTC) سفری زامان یئنی ارن کؤیده وطنداشلارلا گؤروشوب.
چاووش اوغلو گؤروش زامانی ائتدیگی چیخیشدا تورکیه-نین هئچ تردد ائتمهدن، هئچ بیر گذشته گئتمهدن قیبریس تورک خالقینین یانیندا اولدوغونو و اولماقدا داوام ائدجگینی بیلدیریب.
تورک طرفینین دوغو آغ دنیزیندکی قایناقلارلا علاقهدار پایلاشماغی ایستهین، عدالتلی و حل یولو تکلیف ائدن بیرگه کمیسیون قورماغی تکلیف ائتدیگینی خاطیرلادان چاووش اوغلو" روم طرفی بونا درحال اعتراض ائتدی. چونکی اونلارین دردی باشقادیر. خبردارلیق ائدیریک کی، سیزین بورادا یعنی آرخاسینا سیغیندیغینیز کیمسه، ایستر آوروپا بیرلیگی اولسون، ایستر یونانیستان اولسون، ایستر کیم اولارسا اولسون هئچ کس بیزیم بوراداکی فعالیتلریمیزه مانع اولا بیلمز و اولا بیلمهیهجکدیر. بورادا آتاجاغیمیز آدیم بؤلوشمه یی اؤیرنمکدیر" دئییب.
روم طرفینین دوغو آغ دنیزینده کاربوهیدروگن فعالیتلرینی تورکیه-نین بوتون خبردارلیقلارینا باخمایاراق داوام ائتدیردیگینی خاطیرلادان چاووش اوغلو" بیز اونلارا بو آدا اطرافینداکی کاربوهیدروگن زنگینلیکلری اوزرینده قیبریس تورک خالقینین دا حاقینین اولدوغونو سؤیله دیک و قطعیت ایله قیبریس تورک خالقینین حاقینی یئدیره مییهجگیمیزی اونلارا چاتدیردیق" دئیه وورغولاییب.
قیبریس مسئله سینده تورک طرفینین آرتیق باشینی قاتماغا صبرینین اولمادیغینی سؤیلهین چاووش اوغلو قیبریس تورک خالقینین ایندیدک گؤزدن یاییندیریلمیش حاقلارینی آلماق اوچون قرارلی موضع اورتایا قویاجاقلارینی بیلدیرهرک، "بیر طرفدن اؤز موضعیمیزی داوام ائتدیرجییک، دیگر طرفدن ده فعالیتلریمیزی داوام ائتدیرجییک" دئییب.
مولود چاووش اوغلو قیبریسلی تورکلره قازی ماغوسادا باش کونسوللوق آچاجاقلاری مژدهسینی ده وئریب.