دوغو تورکوستانا هیات دعوتی
"جمهورباشقانیمیز اردوغان اویغورلارین چین‌ده راحاتلیق، اسنلیک و ریفاه ایچین‌ده یاشامالارینین تک آرزوموز اولدوغونو ایفاده ائتدی"
جمهورباشقانلیغی ایله‌تیشیم باشقانی فخرآلتون آلتون، پکنین، اویغور اؤزارک بؤلگه‌ده یاشایان اویغورلارین دوروملارینی یئرین‌ده گؤزلملهمک اوچون تورکییه‌دن بیر هیاتی چینه دعوت ائتدیگینی بیلدیردی.
سوسیال مئدیا حسابین‌دان پرزیدنت رجب طیب اردوغانین چین گؤروشمه‌لرینه دایر بیلگی وئره‌ن آلتون، اردوغانین گؤروشمه‌لرینده، اویغورلار داخیل تورکییه-چین ایلیشکیلرینین بوتون یؤنلرینین آیرینتی‌لی شکیلده دانیشیلدیغینی بیلدیردی.
فخرالدین آلتون،
"جمهورباشقانیمیز اردوغان اویغورلارین چین‌ده راحاتلیق، اسنلیک و ریفاه ایچین‌ده یاشامالارینین تک آرزوموز اولدوغونو ایفاده ائتمیش، بو مسئله‌ده‌کی فیکیر و گؤزلنتیلرینی مخاطبینه چاتدیرمیشدیر. چین طرفی بوندان باشقا، اویغور اؤزارک بؤلگه‌سین‌ده یاشایان اویغورلارین وضعیتینی یئرین‌ده گؤزلملهمک اوچون تورکییه‌دن بیر هیاتی چینه دعوت ائتمیش، سایین پرزیدنتیمیز ده بو دعوتی مثبت قارشیلامیش‌دیر" مئساژینی پایلاشدی.
پرزیدنت اردوغان و چین دؤولت باشقانی شی جین‌پینگین، ایکی‌لی ایلیشکیلرین تیجارت، یاتیریملار، آراشدیرما-گلیشدیرمه، بیلیم-تکنولوژی، مولکی هاواچیلیق، توریزم و مدنیت ساحه‌لرین‌ده ایرلیلدیلمه‌سی قونوسوندا آنلاشیلدیغینی دا ایفاده ائد‌ن آلتون، ایکی لیدئرین، تاریخی ایپک یولونون باتی ودوغو قاپیلاری آراسینداکی باغلانتینین گوجلندیریلمه‌سینی قرارا آلدیقلارینی بیلدیردی.
