اسکیشهیرده یئنیایل بایرامی
"نؤوروز، آتا یادیگاری تورکوستاندان دوغولان بیر برکت و سئوگی بایرامیدیر"
اسکیشهیرده یئنیایل بایرامی قوتلامالاری
یورددیشی تورکلر و قوهوم توپلولوقلار باشقانلیغی، یئنیایل قوتلامالاری چرچیوهسینده اسکیشهیرده مختلیف تدبیرلر گرچکلشدیردی.
یورددیشی تورکلر و قوهوم توپلولوقلار باشقانلیغی طرفیندن اسکیشهیرده ائدیلهن یئنیایل بایرامی قوتلامالاری پرزیدنت یاردیمچیسی فواد اوختای، یورددیشی تورکلر و قوهوم توپلولوقلار باشقانی عبدالله ارن، اسکیشهیر میلت وکیلی نابی آوجی، آنادولو اونیورسیتهسی رئکتورو پروفسور دکتر شفق ارتان چوماقلی، ترت باش مودورو ابراهیم ارن ایله تورک دونیاسیندان نمایندهلر و اؤیرنجیلرین قاتیلیملارییلا گرچکلشدیریلدی.
نؤوروز، تورک دونیاسینین مدنی اورتاق میراثیدیر
اورتا آسیادان بالکانلارا قدر چوخ گئنیش بیر جغرافیادا قوتلانان یئنیایلین بوتون اینسانلیق اوچون خیرلر گتیرمهسینی آرزو ائدن پرزیدنت یاردیمچیسی فواد اوختای، "نؤوروز، آتا یادیگاری تورکوستاندان دوغولان بیر برکت و سئوگی بایرامیدیر. نؤوروز، تورک دونیاسینین مدنی اورتاق میراثیدیر. نه موتلو بیزلره کی بو گون، دونیانین فرقلی اؤلکهلریندن سیز گنج قارداشلاریمیزلا بیر آرادا، بئله مؤحتشم بیر اتموسفرده، نؤوروز بایرامینی قوتلادیق. فرقلیلیکلریمیزی زنگینلیک گؤرهرک، کیمسهنی دیشلامادان، بیریلشدیرمهیه تام بیر قارداشلیق ایقلیمینده بیرلیکده یئنیایلی ایدراک ائدیریک. بو گؤزل نؤوروز پروگرامینی ترتیب ائدن، بیزلری بیر آرایا گتیرهن آنادولو اونیورسیتهمیزه و یورددیشی تورکلر باشقانلیغیمیزا تشکر ائدیرهم" دئیه دانیشدی.
تورکیه دونیانین نؤوروزو اوچون موباریزه ائدیر
تدبیرده دانیشان یورددیشی تورکلر و قوهوم توپلولوقلار باشقانی عبدالله ارن ایسه تورکیهنین رسمی سرحدلرینین اؤته سینده گئنیش بیر کؤنول جغرافیاسینا صاحب اولدوغونون وورغولادی.
یورددیشی تورکلر و قوهوم توپلولوقلارین دونیانین دؤرد بیر یانیندا اولان قارداش و قوهوم توپلولوقلارلا یئنیدن ایستی و صمیمی ایلیشکیلرین تاسیس ائدیلمهسی اوچون چالیشمالار ایجرا ائتدیگینی دیله گتیرهن ارن، "بیز بیر ایمپراتورلوق قالینتیسیییق. هر نه قدر ۷۸۴ مین مربع کیلومتره یاییلمیش بیر وطنیمیز اولسا دا عثمانلی ایمپراتورلوغونون قالانی اولمامیز دان دولایی چوخ سویداشیمیز، چوخ قوهوم توپلولوغوموز سرحدلریمیزین دیشیندا یاشاییر. دونیانین دؤرد بیر یانیندا تورکجه دانیشان توپلولوقلار وار. بو توپلولوقلارلا ایستی و صمیمی ایلیشکیلری یئریتمکله مکلفیک" دئدی.
ایلگیلیلی خبرلر
آذربایجاندان فرانسایا اویاری
"فرانسانین قارالاما کمپینلری، اویغونسوز آچیقلامالاری و تخریباتلاری جاوابسیز قالمایاجاق"