قیرقیزیستان‌دا ائتنو شهر آچیلدی

۵۰۰دن آرتیق گله‌نک‌سل چادیرین قورولدوغو ائتنو شهرین آچیلیشی اولدو

gocebe oyunlari.jpg
gocebe oyunlari kirgizistan.jpg

قیرقیزیستان پرزیدنتی سوورونبای جنبکووون حمایه‌سین‌ده دونن باشلایان ۳.جو دونیا کؤچری اویونلاری حاضرلیقلاری چرچیوه‌سین‌ده قورولان ائتنو شهر آچیلدی.

قیرقیزیستان کیرچین یایلاغین‌دا، ۳.جو دونیا کؤچری اویونلاری اوچون ۵۰۰دن آرتیق گله‌نک‌سل چادیرین قورولدوغو ائتنو شهرین آچیلیشی اولدو.

تورکیه رادیو تلویزیون قورومو (ت‌رت) و آنادولو آژانسینین دا مئدیا اورتاغی اولدوغو ۳.جو دونیا کؤچری اویونلارینین بیر آیاغی اولان ائتنو شهری قیرقیزیستان پرزیدنتی سوورونبای جنبکوو آچدی.

آچیلیش‌دا، صنعتچیلر و اؤیرنجی‌لردن اولوشان گئنیش قاتیلیم‌لی اویونچو اکیبی، "کؤچریلرین قیزیل چاغی" آدلی تاتر اویونو، قیرقیزلارین تاریخینی و کؤچری حیاتین‌داکی عنعنه‌لرینی نوماییش ائتدیردی.

پرزیدنت جنبکوو، اویونلارین یوکسک سویه‌ده گئچیریلمه‌سینه وئردیگی دسته‌یه گؤره خالقینا و تشکیلات‌چیلارا تشکر ائتدی.

سوورونبای جنبکوو، هر ایکی ایلده بیر گئچیریله‌ن ۳.جو دونیا کؤچری اویونلارینین آچیلیشینی، تورک اؤلکه‌لرین لیدئرلرین‌دن اولان پرزیدنت رجب طیب اردوغان و قازاقیستان پرزیدنتی نورسلطان نظربایئو، ماجاریستان باشباخانی ویکتور اوربان، روسیایا باغلی تاتاریستان جمهوریتی پرزیدنتی رستم مینیخانووون قاتیلیمی ایله ائتدیکلرینی دئدی.

جنبکوو، کؤچری مدنیتینین فلسفه‌سینین اینکیشاف ائتدیریلمه‌سی اوچون اویونلارین دؤردونجوسونون تورکیه‌ده گئچیریلمه‌سی اوچون پرزیدنت رجب طیب اردوغانین دستگینی آلدیقلارینی بیلدیردی.

جنبکوو، تورکیه خالقینا و اردوغانا دستکلریندن اؤترو تشکر ائتدی.



ایلگیلی‌لی خبرلر