قازاقیستان اقتصادی بؤیویور
"تورم باسقیسینین ضعیفله‌مه‌سی، یوکسک یاتیریم فعال‌لیغی و آنا سئکتورلارداکی مثبت دینامیک اقتصادی گلیشمه‌لر بؤیومه‌ده تأثیرلی اولدو"
قازاقیستان اولوسال اقتصاد باخانی تیمور سلیمانوو، بو ایلین ۶ آییندا اؤلکه اقتصادینین یوزده ۴ آرتدیغینی قید ائتدی.
سلیمانوو، باخانلار قورولو توپلانتیسیندا ائتدیگی چیخیشیندا، ۲۰۱۸.جی ایلین ژانویه-ژوئیه دؤورونده ناخالص یورد ایچی گلیر بؤیومه‌سینین یوزده ۴و اولوشدوردوغونو بیلدیره‌رک، "تورم باسقیسینین ضعیفله‌مه‌سی، یوکسک یاتیریم فعال‌لیغی و آنا سئکتورلارداکی مثبت دینامیک اقتصادی گلیشمه‌لر بؤیومه‌ده تأثیرلی اولدو" دئدی.
یئنی ایلده تورم نیسبتینین یوزده ۲،۷لرده اولدوغونا دقت چکن سلیمانوو، ایللیک تورم نیسبتینین یوزده ۵،۹ اولدوغونو دیله گتیردی.
سلیمانوو، ۱ آگوست تاریخی اعتباریله قازاقسیتانین اولوسلارآراسی رزرولرینین ۸۷،۷ میلیارد دلارا چاتدیغینی خاطیرلاتدی.
قازاقیستان استاتیستیک کمیته‌سین‌دن وئریلن آچیقلامادا ایسه ژانویه-ژوئیه آیلارین‌دا صنایع اورتیمینین اؤتن ایلین عینی دؤورونه نیسبتا یوزده ۵،۱ آرتاراق ۱۵ میلیارد ۵۰۴ میلیون تنگه سویه‌لرینه چاتدیغی بیلدیریلدی.
آچیقلامادا، بو ایلین ۶ آییندا نفت اورتیمینین ده گئچن ایلین عینی دؤورونه گؤره یوزده ۷،۵ آرتیشلا ۴۵ میلیون تن اولدوغو بیلدیریلدی.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
