آذربایجاندا پرزیدنت سئچیلن ایلهام علیئو یئنی ناظیرلر کابینه‌سینی تصدیق ائدیب
آذربایجاندا 11 آوریلده کئچیریلن سئچیمده یئنی‌دن پرزیدنت سئچیلن ایلهام علیئو، ناظیرلر کابینه‌سی و دولت کومیته‌سی صدرلری‌نین تعیین ائدیلمه‌سی حاقیندا فرمانی ایمضالاییب
آذربایجاندا 11 آوریلده کئچیریلن سئچیمده یئنی‌دن پرزیدنت سئچیلن ایلهام علیئو یئنی ناظیرلر کابینه‌سینی تصدیق ائدیب.
آذربایجاندا 11 آوریلده کئچیریلن سئچیمده یئنی‌دن پرزیدنت سئچیلن ایلهام علیئو، ناظیرلر کابینه‌سی و دولت کومیته‌سی صدرلری‌نین تعیین ائدیلمه‌سی حاقیندا فرمانی ایمضالاییب.
اوّلکی کابینه‌ده یئر آلان آدلارین بؤیوک قیسمی یئرلرینی قورودو.
باکی والیسی حاجی بالا ابوطالیبوو باش ناظیرین معاوینی تعیین اولونارکن آسان خیدمت رهبری اینام کریموو اکینجیلیک ناظیری، ایقتیصادیات ناظیری‌نین معاوینی ساحل بابایئو امک و سوسیال امنیت ناظیری، ائو تیکینتی‌سی دولت آژانسی‌نین رهبری سامیر نوریئو دولت شهرله علاقه‌دار پلانلاشدیرما و معمارلیق کومیته‌سی‌نین صدری و میللت وکی‌لی روشن رضایئو قاچقین و کؤچکون‌لرین ایشلری دولت کومیته‌سی‌نین صدری کیمی کابینه‌ده یئر آلان یئنی آدلار اولوب.
باش ناظیر معاوینی وظیفه‌سینی ائدن عابد شریفوو، عصمت عباسوو و ائلچین افندیئو ایله امک و سوسیال امنیت ناظیری سلیم موسلوموو کابینه‌یه گیره‌مه‌دی. یئنی باش ناظیرین معاوین‌لری یاقوب ایوبوو، علی احمدوو و علی حسنوو اولدو.
ایچ ایشلر ناظیری رامیل اوسوبوو، انرژی ناظیری پرویز شاهبازوو، عدلیه ناظیری فیکرت مممدوو، فوق ا‌لعاده حال‌لار ناظیری کمال الدین حیدروو، خاریجی ایشلر ناظیری ائلمار مممدیاروو ایقتیصاد ناظیری شاهین مصطفایئو، مالیه ناظیری سامیر شریفوو، ساوونما ناظیری ذاکیر حسنوو، نقلیات، ایرتیباطات و یوکسک تکنولوژیالر باخانی رامین قولوزاده، وئرگی‌لر ناظیری میکاییل جابباروو، دولت مرز خیدمت‌لری قوموتانی ائلچین قولیئو. دولت امنیت خیدمتی رهبری مدت قولیئو و خاریجی کشفیات خیدمتی‌نین صدری اورخان سولطانوو کابینه‌دکی یئرینی قورودو.
اکولوژی و طبیعی ثروت‌لر ناظیرلیگی، گنج‌لر و ایدمان ناظیرلیگی، مدنیت ناظیرلیگی، ساوونما صنایعسی ناظیرلیگی، ساغلیق ناظیرلیگی، تحصیل ناظیرلیگی و بیر سیرا دولت کومیته‌لرینه هله‌لیک تعیین ائدیلمه‌ییب.
آذربایجاندا آنایاسایا گؤره، پرزیدنت سئچیم‌لرین‌دن سونرا حکومت ایستعفا وئریر.
علیئو، 11 آوریلده کئچیریلن سئچیمده 86،02 فایز سس قازانمیشدی. آذربایجان میللی مجلیسی، پرزیدنت علیئوین تکلیفی ایله خاریجی علاقه‌لردن مسئول پرزیدنت معاوینی پروفسور، دوکتور نووروز ممدووو باش ناظیر اولا‌راق گؤندرمیشدی.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
