ایران ایله تورکمنیستان آراسیندا محبوس مبادله‌سی
تورکمنیستان‌دا محبوس و یا حؤکم‌لو اولان ۲۸۳ ایران وطنداشی، ۴ تورکمنیستان‌لی دوستاق ایله مبادله ائدیلدی
ایران ایله تورکمنیستان آراسیندا، ایکی اؤلکه سرحدین‌ده محبوس و محکوم موبادیله ائدیلدیگی بیلدیریلدی.
ایران رسمی آژانسی ایرنانین خبرینه گؤره، تورکمنیستان‌دا محبوس و یا حؤکم‌لو اولان ۲۸۳ ایران وطنداشی لطف آباد سرحد قاپی‌سین‌دا محکمه یئتکیلیلرینین حضورون‌دا اؤلکه‌یه منتقل ائدیلدی.
بونا قارشی‌لیق ایرانین ۴ تورکمنیستان‌لی دوستاغی اؤلکه‌لرینه تسلیم ائتدیی قید ائدیلدی.
بو مبادله‌نین ایران پرزیدنتی حسن روحانینین ایکی گون قاباق عشق‌آباددا تورکمنیستان پرزیدنتی قوربانقولو بردی‌محمدوو ایله گرچکلشدیردیگی گؤروشمه‌لر چرچیوه‌سین‌ده آلینان قرار ایله اولدوغو ایفاده ائدیلدی.
ایران خاریجی ایشلر باخانلیغی سؤزچوسو بهرام قاسمی ده اؤلکه‌یه نقل ائدیله‌ن محبوس و حؤکملر آراسیندا، گئچن هفته خزر دنیزین‌ده تورکمن سولارینی پوزدوقلاری سببله گؤزآلتینا آلینان ۲ بالیقچینین دا اولدوغونو بیلدیردی.
تورکمن گوونلیک گوج‌لری تورکمنیستان سو سرحدلرینی پوردوغو سببیله ایچری‌سین‌ده ۴ ایرانلی‌نین اولدوغو بالیق‌چی گمی‌سینه آتیش ائدیب، حادثه‌ده بالیق‌چیلاردان ۲سی حیاتینی ایتیرمیش، ۲سی گؤزآلتینا آلینمیشدی.
ایلگیلی‌لی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.
