نظربایئو: بیزیم ده نوکلئر سلاحلاریمیز وار ایدی
"سانیرام قازاقیستان نوکلئر سلاح آرخاسیندا اولان دیگر اؤلکه‌لره بو باره‌ده سؤز سؤیله‌مک حاقینا صاحب‌دیر"
قازاقیستان پرزیدنتی نورسلطان نظربایئو، قوزئی کره‌نین نوکلئر فعالیتلریله باغلی پروسه‌ده، آمریکا قدر چین و روسیانین دا اؤنملی آکتورلار اولدوغونو قید ائتدی.
نظربایئو، آمریکا باشقانی دونالد ترامپ ایله آغ ائوده بیر آرایا گلدیکدن سونرا اورتاق مطبوعات آچیقلاماسی وئردی.
قازاقیستانین آمریکانین ان اؤنملی متفیقلرین‌دن و اقتصادی اورتاقلارین‌دان اولدوغونو دیله گتیر‌ن ترامپ، گونئی دوغو آسیا استراتژیلرین‌ده قازاقیستانین رولونا ایشاره ائتدی.
آمریکانین افغانیستان‌دا ترور هؤرگوتلرینه قارشی آپاردیغی عملیاتلار چرچیوه‌سین‌ده قازاقیستانین وئردیگی دستگین حساس اولدوغونو بیلدیر‌ن ترامپ، بو دستگین داوامینی اومود ائتدیکلرینی ایفاده ائتدی.
ترامپ،
"ترور هؤرگوتلری داعش و طالبانا قارشی حربی بیرلیک‌لریمیزین وئردیگی مباریزه‌یه اؤنملی لجستیک دستک وئرن قازاقیستانین بو دستگینی داوام ائتدیرمه‌سین‌ده پرزیدنت نظربایئوین شخصی چاباسینی آلقیشلاییرام" دئدی.
قوزئی کره‌نین نوکلئر سلاحلاردان آریندیریلما‌سی پروسه‌سیله باغلی دیپلوماتیک آددیملاردا قازاقیستانین دستگینه اؤنم وئردیکلرینی قید ائد‌ن ترامپ، آمریکا ایله قازاقیستان آراسین‌دا اقتصادی ایلیشکی‌لرین ده گئتدیکجه درینلشدیگنه ایشاره ائتدی.
پرزیدنت نظربایئو ده افغانیستانین ثابیتلیگینین بؤلگه‌نین ثابت‌لیگی باخیمین‌دان حیاتی اؤنمه صاحب اولدوغونو، بو اؤلکه‌نین ترور عنصورلارین‌دان تمیزلنیلمه‌سی نقطه‌سین‌ده واشینگتون رهبرلیگی ایله یاخین چالیشدیقلارینی و ایندییه قدر افغانیستانا ۷۵ میلیون دلار انسانی و تکنیک دستک وئردیکلرینی بیلدیردی.
نظربایئو، بیر واختلار اؤزلرینین ده نوکلئر سلاحلارا صاحب اولدوغونو، آنجاق بوندان کؤنول‌لو اولاراق واز گئچدیکلرینی سؤیله‌یه‌رک،
"سانیرام قازاقیستان نوکلئر سلاح آرخاسیندا اولان دیگر اؤلکه‌لره بو باره‌ده سؤز سؤیله‌مک حاقینا صاحب‌دیر. ایرانلا بو شکیل‌ده دانیشیریق، قوزئی کره ایله بو شکیل‌ده دانیشاجاغیق. قوزئی کره مسئله‌سی آمریکا، چین و روسیانین اورتاق چابالاری ایله حل اولونابیلر" دئیه دانیشدی.
ایلگیلی‌لی خبرلر
قازاخیستان-دا داشقین‌لاردان سونرا 54،7 مین نفر ائولرینه قاییدیب
بو باره‌ده فوق العاده حال‌لار ناظیرلیگی‌نین مطبوعات خیدمتی معلومات یاییب.
