قیرقیزیستانین یئنی جمهورباشقانی بللی اولدو
"15 اکتبر جمهورباشقانلیغی یاریشیندا سئچیجیلرین یوزده 55،93و سس وئردی"
قیرقیزیستاندا دونن گئچیریلن جمهورباشقانلیغی سئچیملرینی، سوسیال دموکرات پارتینین نامیزدی سوورانبای جنبئکوو، ایلک توردا قازاندی.
مرکز سئچیم کمیسیونو باشقانی نورجان شایلدابئکووا، صاندیقلارین چوخونون آچیلدیغینی قید ائدهرک،
"15 اکتبر جمهورباشقانلیغی یاریشیندا سئچیجیلرین یوزده 55،93و سس وئردی" دئدی.
سئچیملرده سوورونبای جنبئکووون قالیب گلدیگینی ایفاده ائدن شایلدابئکووا، ساییلان سسلره گؤره، جنبئکووون یوزده 54،22 سس نیسبتی ایله 914 مین 806 سئچیجینین دستگینی آلدیغینی بیلدیردی.
شایلدابئکووا، 11 نامیزدلی یاریشدا، جمهوریت پارتیسینین قوروجو لیدئری عؤموربئک بابانووون یوزده 33،47، بوتون قیرغیزیستان پارتیسی لیدئری آداحان مادومارووون یوزده 6،41، آغ شومکار پارتیسینین لیدئری تمیر ساریئوین یوزده 2،54 سس آلدیغینی قید ائتدی.
شایلدابئکووا، سئچیم قانونونا گؤره، کسین نتیجهلرین 20 گون ایچینده آچیقلاناجاغینی دا قید ائتدی.