"اونلار، ایکی قارداش خالقی بیر بیرینه دوشورمه‌یه چالیشدی"

قیرقیزیستان پرزیدنتی آلمازبئک آتامبایئو، بیشکئک‌ده‌کی ماناس اولوسلارآراسی هاوا لیمانینا آمریکا حربی مرکزی‌نین یئرلشمه‌سی اوزون‌دن موشک سالدیریسی تهدیدی آلدیق‌لارینی ایفاده ائتدی.

 آتامبایئو ایسیک گؤل ساحلین‌دکی چولپان آتا شهرینده ژورنالیست‌لره، 2011.جی ایلده ماناس اولوسلارآراسی هاوا لیمانینا یئرلشدیریلن و 2014.جو ایلده چیخاریلان آمریکا حربی مرکزی ایله ایلگیلی دانیشدی.

آتامبایئو،

"روسیا و چینین ساکیت و باریشجیل قیرقیزیستانا احتیاجی وار. اما بعضی اؤلکه‌لر فرق‌لی شئی‌لر آرخاسیندا. آمریکا دیش ایشلری باخانلیغینین دموکرات‌لار دؤورونده یئریتدیگی سیاسته قارشی کسین‌لیکله ایستی دویغولار بسله‌میرم. 2014.جو ایلده، بعضی اؤلکه‌لر، اگر لازیم اولسا، آمریکا اوچاق‌لارینی یئردن ووراجاق‌لارینی و اینسان‌لاریمیزین ضرر گؤرجیینی آچیق شکیلده دیله گتیردی" دئدی.

آمریکانی بؤلگه اؤلکه‌لری‌نین ایچ ایشلرینه قاریشماقلا سوچلایان آتامبایئو، اسکیاؤزبکیستان پرزیدنتی ایسلام کریمووون سو اوزون‌دن اورتا آسیادا ساواش چیخابیله‌جیی یولون‌داکی سؤزلرینی خاطیرلادا‌راق،

"بو آچیقلاما‌دان درحال سونرا آمریکا‌لی‌لار اؤزبکیستانا هر بیری 1 میلیون د‌لاردان 328 زره‌لی آراج ساتدی. محض اونلارین دموکراسی‌سینین بدلی. اونلار، ایکی قارداش خالق قیرقیز و اؤزبک‌لری بیر بیرینه دوشورمه‌یه چالیشدی" دئدی.