فرانسوا اولاند ایلهام علیئو ایله الیزا ساراییندا گؤروشدو

فرانسا پرزیدنتی فرانسوا اولاند، آوروپایا و تورکیه‌یه احتیاج‌لارینی اولدوغونو سؤیله‌دی.

اولاند، رسمی بیر زیارت اوچون اؤلکه‌سینده اولان آذربایجان پرزیدنتی ایلهام علیئو ایله الیزا ساراییندا بیر آرایا گلدی.

ایکی اؤلکه آراسیندا نقلیات، رابطه، تکنولوژی و اجتماعی خیدمت‌لری ساحه‌لرینده امکداش‌لیق موقاویله‌لری ایمضالاندی.

اولاند، گؤروشمه سونراسی تشکیل ائدیلن اورتاق مطبوعات کونفرانسیندا، آوروپادا تورک ناظیرلرین گیریشینه ایجازه وئریلممه‌سی سونراسی اورتایا چیخان دیپلوماتیک ایسکاندالا توخوندو.

فرانسا پرزیدنتی،

"تورکیه و آوروپا اؤلکه‌لری آراسین‌داکی بیر گرگین‌لیک سؤز موضوعسو. بیزیم آوروپایا و تورکیه‌یه احتیاجیمیز وار. تورکیه‌نین ده آوروپایا. هر موضوعدا اولدوغو کیمی بو موضوعدا دا دیالوقو تشویق ائتملیگیک" دئیه دانیشدی.

اولاند، علیئوله ایکیطرف‌لی علاقه‌لری و داغلیق قاراباغ پروبلمینی گؤروشدوک‌لرینی ده ایفاده ائده‌رک،

"بو پروبلم‌ده ایستاتوکویلا بیر یئره یئتیشه‌مز. چاتیشما‌لارین اوزون سورممه‌سی لازیم‌دیر. مینسک قروپو ایجلاس‌لاریندا دا دیالوقون یئنی‌دن باشلادیلماسی یؤنوندکی تلاشیمیزی داوام ائتدیریریک." ایفاده‌لرینی ایستیفاده ائتدی.

ایلهام الیئو ایسه داغلیق قاراباغدا ایستاتوس-کوونون قبول ائدیله بیلمیه‌جگینی وورغولایا‌راق،

"ارمنیستان ایشغال ائدیلمیش تورپاق‌لاردان چکیلمه‌لی. مینسک قروپو اؤلکه‌لری بؤلگه‌ده ایستاتوس-کوونون قبول ائدیلمز اولدوغونو سؤیله‌دی‌لر. آنجاق ارمنیستان بونا اویمایا چوخ میل‌لی دئییل." شکلینده دانیشدی.