ایلهام علی‌یئو بروکسلده
آذربایجان و آ.ب آراسین‌داکی ایلیشکی‌لر، 2015.جی ایلده آوروپا پارلمانی‌نین اؤلکه‌دکی اینسان حاق‌لاری وضعیتینی تنقید ائدن قراری‌نین آردین‌دان پوزولموشدو
آذربایجان جمهوریتی پرزیدنتی ایلهام علی‌یئو، بلژیکین باشکندی بروکسلده.
ایلهام علی‌یئو، آوروپا بیرلیگی (آ.ب) خاریجی ایلیشکی‌لر و گوونلیک سیاستی یوکسک نماینده‌سی فدریکا موگرینی ایله بیر آرایا گلدی.
تخمینا بیر ساعات داوام ائدن گؤروشمه‌یه باغلی هر هانسی بیر آچیقلاما وئریلمه‌دی.
علی‌یئو، گون ایچری‌سینده آ.ب کمیسیون باشقانی ژان کلود یونکر، آ.ب شورا باشقانی دونالد توسک، آوروپا پارلمانی باشقانی آنتونیو تایانی ایله ده آیری آیری گؤروشه‌جک.
آذربایجان و آ.ب آراسین‌داکی ایلیشکی‌لر، 2015.جی ایلده آوروپا پارلمانی‌نین اؤلکه‌دکی اینسان حاق‌لاری وضعیتینی تنقید ائدن قراری‌نین آردین‌دان پوزولموشدو.
نوامبر آییندا آ.ب اؤلکه‌لری‌نین حکومت‌لری، آذربایجان ایله 1999.جو ایلده ایمضا‌لانان اورتاق‌لیق و امکداش‌لیق آنلاشما‌سی‌نین گونجللنمه‌سینه اولان دستک‌لرینی آچیقلامیش، گئچن هفته ده ایکی طرف باکیدا بیر آرایا گلمیشدی.
آذربایجان ایله ایلیشکی‌لر، آ.ب اوچون انرژی قونوسوندا روسیایا اولان آسی‌لی‌لیغینی آزالتماق باخیمین‌دان بؤیوک اؤنم داشیییر.
آذربایجان گازی‌نین، 2019.جو ایلین ایلک دؤردده‌بیرینده، گورجوستان، تورکیه، یونانیستان، آلبانی و ایتالیا‌دان گئچن گونئی گاز دهلیزی اوزرین‌دن آ.ب-یه چاتدیریلماسی هدف‌لنیر.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
