دکتر مسعود پزشکیانا سؤزلو سالدیری

بازار ارته‌سی گونو آبان آیی‌نین 16سی تهران مصلی‌سیندا دوزنلنن مطبوعات سرگیسینده تبریز نماینده‌سی و تورک فراکسیونو باشقانی دکتر پزشکیانا قارشی سؤزلو سالدیری و ساتاشما اولایلاری یاشانمیشدیر.

مهندس حسن راشدین‌نین پایلاشدیغی بیلگی‌لره گؤره، دکتر پزشکیان سرگینی گزرکن، غرفه صاحبلری و قوناقلارین سورولارینی یانیتلادیغی سیرادا، بیر نئچه گنجین سؤزلو سالدیریسینا اوغرادی. مهندس راشدی‌نین ایفاده‌لرینه گؤره، "آشیری عرقچی و پان فارسیست" دوشونجه‌لره صاحب گنجلر، دکتر پزشکیانی چئورله‌یب، ادب دیشی داورانیشلاریلا، تورک فراکسیونو اولوشومونونون یاسادیشی، بؤلوجو و ملی چیخارلارا ضد اولدوغونو دیله گتیردیلر.

مهندس راشدی، بو اتهاملارا قارشی چیخدیغینی و بونا گؤره گنجلردن بیری طرفیندن "اردوغان جاسوسو" اولماقلا سوچلاندیغنی بیلدیریر.

مهندس حسن راشدی‌ سالدیرقان گنجه بو اتهامی اثباتلایامماماسی حالدا محاکمه اولماسی گرکدیگینی سؤیله‌دیگینی و بو سیرادا سؤزو گئدن گنجین یولداشلاری طرفیندن اورتامدان اوزاقلاشدیریلدیغینی یازیر.