تهراندا دده شمشیر اولوسلار آراسی عاشیق فستیوا‌لی
24 می‌ده باش‌لانان فستیوالدا ایرانین - گونئی آذربایجانین و آذربایجان جمهوریتینین بیرچوخ شهرلرین‌دن اولان عاشیق و عاشیق قروپ‌لاری و ساز صنعتی آراشدیرماچی‌لاری قاتیلیب
تهراندا دده شمشیر اولوسلار آراسی عاشیق فستیوا‌لی
باشکند تهراندا ایران عاشیق‌لار بیرلیگی‌نین ائتدیگی دده شمشیر اولوسلار آراسی عاشیق فستیوا‌لی کئچیریلیب.
24 می‌ده باش‌لانان فستیوال عاشیق‌لار بیریگیک صدری عاشیق سلجوق شاهبازی، ایرانین - گونئی آذربایجانین بوتون شهرلرین‌دن اولان عاشیق و عاشیق قروپ‌لاری، عاشیق شمشیر یارادیجی‌لیغی‌نین آراشدیریلماسی ایله مشغول اولان، او جمله‌دن آذربایجان جمهوریتین‌دن گلن عالیم و عاشیق‌لار قاتیلیب.
فستیوال قاتیلیمچی‌لاری یاراتدیغی 75 ساز هاواسی ایله نوار قید‌لرینده یاشایان عاشیق شمشیر خاطره‌سینی یاد ائده‌رک حاقیندا چیخیش‌لار ائتمیش، اونون ایفالاریندان پارچا‌لار سسلندیرمیش‌لر.
بو گون دونیانین ارثی ساییلان و آذربایجان جمهورتی حیدر علیئو فوندونون تشببوسو ایله یونسکو طرفین‌دن قورونان عاشیق صنعتی‌نین اوستادلاری داها چوخ گونئی آذربایجان تورپاق‌لاریندا دونیایا گلمیش، یاشاییب-یاراتمیش، قوزئی آذربایجان اراضی‌سینده چوخلو شاگیردلر یئتیشدیرمیش و بورادا دا بؤیوک بیر عاشیق مکتبی یاراتمیش‌لار.
خاطیرلاداق کی، عاشیق شمشیر 1893-جو ایلده کلبجر دمیرچیدام کندینده گؤرکم‌لی ائل صنعتکاری، شاعر قوربانین عائله‌سینده دونیایا گلیب. سؤز -صنعت تاریخیمیزده آغدابان‌لی قوربان آدی ایله قالان بو اوستاد عاشیق و تانینمیش ائل شاعری عاشیق علی عسگرین معاصری اولوب، اونلارین یاخین اونسییتین‌دن، دوستلوق علاقه‌لرین‌دن بیر سیرا دئییشمه‌لری یادیگار قالیب. عاشیق علی عسگر و آغدابان‌لی قوربان دؤورونده کلبجر-گؤیچه ادبی اورتامی‌‌نین عینی عنعنه‌لر اوزرینده فورمالاشماسی، ساز و سؤز صنعتی‌نین جوغرافی حدودسوزلوغو اراضی اعتباری ایله یاخین اولان بو قونشو ائللرین منن ده یاخین اولماسینا طبیعی شرایط یارادیب. بئله بیر موحیطده ایچ دونیاسینی تاپان دده شمشیر بو اوستادلارین و اولولاری تأثیری ایله جیلالانیب، چوخ کئچمه‌دن ائل توپلانتی‌لاریندا موستقیل مجلیس‌لر آپاران ایستعدادلی ساز شاعرینه چئوریلیب و دده‌لیک مرتبه‌سینه قدر اوجالیب (عادیل جمیل، آر فیلولوژی علیم‌لری عذره فلسفه دوکتورو). پروفسور شاه‌لار عسگرووون سؤزلریله ده دئسک، "دده شمشیر قلمه آلدیغی قوشما، گرای‌لی، تجنیس، دیوانی، بایاتی، روباعی، غزل و مخمّس‌لرله کلبجر ادبی اورتامینی، ائله‌جه ده یازیلی و شیفاهی پوئزیامیزین ان اؤنم‌لی یؤنلرینی اوستا‌لیقلا منیمسه‌ین سؤز صنعتکاری کیمی اؤز مکتبینی یارادیب".
ایران عاشیق‌لار بیرلیگی‌نین می‌ین 24-ده ایرانین باشکندی تهران شهرینده تشکیل ائتدیگی دده شمشیر اولوسلار آراسی عاشیق موسیقی فستیوا‌لی‌نین سونوندا 6 اوستاد آذربایجان عاشیغینا "دده شمشیر دیپلومو" وئریله‌جک.
