آذربایجان - ارمنیستان تماس خطینده، 2 مین هکتاردان چوخ اراضی آذربایجانین کونترولونا کئچدی
ارمنیستان پرزیدنتی سرژ سارکیسیان، وین‌ده قاراباغ توپلانتی‌سی‌نین آردین‌دان ارمنی ژورنالیست‌لره ائتدیگی آچیقلامادا 800 هکتار اراضی‌نین ایتیریلدیگینده سؤیلمیشدی
آذربایجان - ارمنیستان تماس خطینده کئچن آی باش وئرن چاتیشما‌لار سببیله، 2 مین هکتاردان چوخ اراضی آذربایجانین کونترولونا کئچدی.
آذربایجان ساوونما ناظیرلیگی، ارمنیستان ایله یاشانان چاتیشما‌لارا دایر آچیقلاما وئردی،
آچیقلامادا، ارمنیستان رهبرلیگی‌نین ده تماس خطین‌دکی تورپاق ایتکین‌لرینی قبول ائتدیگی آنجاق، میقدارینی اولدوغون‌دان داها آشاغی گؤستردیگی ایفاده ائدیلدی.
چاتیشما‌لار سونراسی تماس خطی‌نین آغدره، فضولی و جبراییل بؤلگه‌لرینده اولان 2 مین هکتارلیق ساحه‌نین ایشغال‌دان قورتاریلیرکن، ارمنیستان سلاح‌لی گوجلری‌نین چاتیشما‌لارداکی ایتکین‌لری‌نین آذربایجانا گؤره 10 قات داها چوخ اولدوغو بللی اولوندو.
ارمنیستان پرزیدنتی سرژ سارکیسیان، وین‌ده قاراباغ توپلانتی‌سی‌نین آردین‌دان ارمنی ژورنالیست‌لره ائتدیگی آچیقلامادا 800 هکتار اراضی‌نین ایتیریلدیگینده سؤیلمیشدی.
2 اؤلکه آراسیندا کئچن آی، 1994-جی ایلدن بو یانا ان شدت‌لی چاتیشما‌لار یاشانمیشدی.
