آذربایجان و ارمنیستان، داغلیق قاراباغ بحرانینین حلّی اوچون یئنی بیر مذاکیره تورونا باشلاییر
علیئو و سارکیسیان، قالیجی بیر حل هدفلهین دانیشیقلاری باشلاتماق مقصدیله، گلهجک آی یئنی بیر مذاکیره تورونا باشلاما موضوعسوندا راضیلاشدی
آذربایجان و ارمنیستان، داغلیق قاراباغ بحرانینا قالیجی بیر حلّ تاپیلماسی هدفی ایله ژوئن آییندا یئنی بیر مذاکیره تورونا باشلاییر.
ایکی اؤلکه پرزیدنتلری، اوتریشین باشکندی وینده تشکیل ائدیلن "داغلیق قاراباغ" موضوعسوندا اوروپا گوونلیک و امکداشلیق تشکیلاتی کونفرانسیندا گؤروشدو.
وینده توپلانتیدا، آذربایجان پرزیدنتی ایلهام علیئو و ارمنیستان پرزیدنتی سرژ سارکیسیان، اوروپا گوونلیک و امکداشلیق تشکیلاتی مینسک قروپونون همصدرلری روسیا خاریجی ایشلر ناظیری سئرگئی لاوروو، آمریکا خاریجی ایشلر ناظیری جان کری و فرانسانین اوروپا ایشلری ناظیری هارلم دسیر ایله بیرایا گلدی.
علیئو و سارکیسیان، قالیجی بیر حل هدفلهین دانیشیقلاری باشلاتماق مقصدیله، گلهجک آی یئنی بیر مذاکیره تورونا باشلاما موضوعسوندا راضیلاشدی.
آذربایجان و ارمنیستان پرزیدنتلری، چاتیشمالارین آرتما ریسکینی آزالتماق اوچون اوروپا گوونلیک و امکداشلیق تشکیلاتینین آراشدیرما مکانیزمینین ان قیسا زاماندا باشا چاتدیریلماسی اوزرینده ده راضیلاشدی.
گؤروشمهلرده، اوروپا گوونلیک و امکداشلیق تشکیلاتی صدرلیگینین اؤزل نماینده اوفیسینین گئنیشلندیریلمهسی، اولوسلار آراسی قیزیل خاچ کومیتهسینین حمایهسی آلتیندا، ایتکین اینسانلار حاقینداکی معلومات پایلاشماسیدیر داوام ائتدیریلمهسی ده قرارلاشدیریلدی.
1988-1994 ایللری آراسیندا یاشانان داغلیق قاراباغ ساواشی، آذربایجان تورپاقلارینین یوزده 20ینین ارمنیستان طرفیندن ایشغالییلا نتیجهلندی.
ساواشین آردیندان، ارمنیستاندان 200 مین، داغلیق قاراباغدان 1 میلیون آذربایجان تورکو بوگونکو آذربایجانا کؤچ ائتمک مجبوریتینده قالدی.
داغلیق قاراباغدا آتشکسین اعلان ائدیلدیگی 5 می 1994 تاریخیندن بو یانا، چیخان پروبلملره اوروپا گوونلیک و امکداشلیق تشکیلاتی بونیهسیندکی مینسک قروپو ایچینده چاره آختاریلیر.
آذربایجان و ارمنیستان گوجلری آراسینداکی آتشکس، کئچن آی یئنیدن باشلایان چاتیشمالارلا پوزولموشدو.