اردوغان، آذربایجاندا ایلهام علیئو ایله گؤروشدو
زاگولبا پرزیدنت قونوتوندا رئال‌لاشان گؤروشمه‌ده، اردوغان و علیئو، ایکی اؤلکه آراسین‌داکی استراتژی اورتاقلیغا سؤیکنن دوستلوق و قارداش‌لیق علاقه‌لری‌نین بوتون ساحه‌لرده اوغورلا اینکیشافین‌دان دویولان ممنونیتی دیله گتیردی
تورکیه پرزیدنتی رجب طیب اردوغان، بیرلشمیش میللتلر تشکیلاتی‌نین (BM) مدنیت‌لر اتفاقی 7. قلوبال فورومونا قاتیلماق اوچون گئتدیگی آذربایجاندا، پرزیدنت ایلهام علیئو ایله گؤروشدو.
زاگولبا پرزیدنت قونوتوندا رئال‌لاشان گؤروشمه‌ده، اردوغان و علیئو، ایکی اؤلکه آراسین‌داکی استراتژی اورتاقلیغا سؤیکنن دوستلوق و قارداش‌لیق علاقه‌لری‌نین بوتون ساحه‌لرده اوغورلا اینکیشافین‌دان دویولان ممنونیتی دیله گتیردی.
یوکسک سویه‌لی گؤروشمه‌لرین علاقه‌لرین اینکیشافی باخیمین‌دان بؤیوک اهمیت داشیدیغینی وورغولایان لیدرلر، علاقه‌لرین بوندان سونرا داها دا اینکیشاف ائده‌جگینی امین اولدوق‌لارینی ایفاده ائتدی.
بیرلشمیش میللتلر تشکیلاتی مدنیت‌لر اتفاقی 7. قلوبال فورومونون دا دانیشیلدیغی گؤروشمه‌ده، بو فعالیتین اولوسلار آراسی امکداشلیغا قاتقی تامین ائده‌جگی ایفاده ائدیلدی.
اردوغان و علیئو، تورکیه و آذربایجانین اورتاق شکیلده ایجرا ائتدیگی ترانس آنادولو طبیعی گاز بورو خطی پروژه‌سی (TANAP) باشدا اولماقلا انرژی ساحه‌سین‌دکی امکداش‌لیغی گوجلندیرمه موضوعسو ایله داغلیق قاراباغدا یاشانان سون اینکیشاف‌لاری ده مذاکیره ائده‌رک، "تک میللت، ایکی دولت" وورغوسو ائتدی.
ایکی‌لی گؤروشمه‌دن سونرا علیئو، اردوغانین شرفینه یئمک وئردی. پرزیدنت اردوغانین حیات یولداشی امینه اردوغان ایله علیئوین حیات یولداشی مهریبان علیئوانین دا قاتیلدیغی یئمک تخمینن 1.5 ساعات داوام ائتدی.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
