فرانسادا آذربایجان عاشیق کولتورو کونفراسی گئچیریله‌جک
فرانسانین مولوز شهری یوخاری آلزاس اونیورسیته‌سی نظامی گنجوی بؤلومو و اوروپا دیل‌لری و ادبیاتی انستیتوسوندا آذربایجان عاشیق کولتورو کونفراسی گئچیریله‌جک
یوخاری آلزاس اونیورسیته‌سی،
ادبیات، دیل‌لر و اینسانی علملر فاکولته‌سی،
نظامی گنجوی بؤلومو و اوروپا دیل‌لری و ادبیاتی انستیتوسو(ILLE 4363 )
طرفین‌دن تشکیل ائدیلمیش بین الخالق و فنلر آراسی کونفرانسی
شرق اوزان‌لاری (و یا عاشیق صنعتی) و غرب تللی سازلاری
مدنیت‌لر و سیویلیزاسیون‌لارین دیالوقو آدینا کئچیدلر و قارشی‌لیق‌لی تأثیرلر
کونفرانس تاریخی: 26-27 آوریل 2016-جی ایل (2 گون)
کونفرانس یئری: فرانسا مولوز شهری (Mulhouse) یوخاری آلزاس اونیورسیته‌سی، ایلبرق کامپوسو
کونفرانسسن تشکیلاتچی‌سی : گرئتا کومور-تیلوی (Greta Komur-Thiloy)
کونفرانسین موضوعسو باره‌ده:
عاشیق‌لار سازدا ایفا ائدن شاعر-بسته‌کارلاردیر. اونلار روایت‌لر سؤیله‌ییر، اویون‌لار گؤستریر، بداهتن شعر سؤیله‌ییب، موسیقی بسته‌لییر و رقص ائدیرلر. عنعنه‌یه گؤره اوچ تیپ عاشیق وار.
1. ائل شاعرلری: خالق شاعرلری
2. اوستاد عاشیق‌لار: بو عاشیق‌لارین هم شاعرلیک و بسته‌کارلیق، هم ده ساز ایفاچی‌لیغی استعدادی وار.
3. ایفاچی عاشیق‌لار: بو عاشیق‌لار ساده‌جه ساز چالیرلار.
آذربایجاندا عاشیق صنعتی عنعنه‌سی XV-XVI عصرلرده، شاه اسماعیل (حاکمیت ایللری: 1501-1524) ایران‌دا حاکمیته گلدیک‌دن،صفوی‌لر سولاله‌سی‌نین بونؤوره‌سینی قویدوق‌دان و آذربایجان دیلینی دولت دیلی کیمی رسمیلشدیردیک‌دن سونرا یارانمیش‌دیر.
آذربایجان ادبی دیلی‌نین اینکیشافی سایه‌سینده عاشیق پوئزیاسی XIX عصردکی ان یوکسک اجلاسینا چاتا‌راق چیچک‌لنیر و شیروان، گنجه‌باسار، گؤیچه و س. کیمی بؤلگه‌سل مکتب‌لرده بیرلشن بیر چوخ یئرلی عنعنه‌لری (مکتب‌لری ) اینکیشاف ائتدیره‌رک اؤلکه اراضی‌نین هر یئرینه یاییلیر.
آرا‌لارین‌داکی فرق‌لره باخمایا‌راق، بو مکتب‌لرین هامی‌سی، اونلاری بیرلش‌دیرن عمومی بیر دیل، پوئتیک و موسیقی‌لی رپرتوار، چالغی آلت‌لری اولان ساز عنعنه‌سینه مالیک‌دیرلر.
بو موسیقی‌نین اساس خصوصیت‌لرین‌دن بیری ده اودور کی، ملودی ایله شعر بیر-بیرین‌دن آیریلمازدیر.
بئله‌لیکله، عاشیق صنعتینی غرب فولکلورون‌داکی تروبا‌دورلار و یا ترووئرلرله(تللی سازلار)، عینی زاماندا دیگر عنعنه‌لرله یاناشی، هیند فولکلورون‌داکی اوستادلارلا و عثمانلی عنعنه‌لری ایله مقایسه ائتمک اولار (اصلینده آنتیک دؤورون شاعر و موغننی صنعتی ده یاددان چیخاریلماما‌لی‌دیر).
بئله‌لیکله، فرق‌لی ایستیقامت و اختصاص‌لار عذره (ادبیات، تئاتر، پوئزیا، دیلچی‌لیک، ترجومه، فلسفه، موسیقی، موسیقی شوناس‌لیق، هیکلتراش‌لیق و س.) اؤز تؤهوه‌لرینی وئره‌جک شخص‌لری عاشیق صنعتی‌نین حدودلارینی، تاریخی، جوغرافی و اتنولینگویستیک منشعینی معین ائتمک و داها سونرا یوخاریدا قید ائدیلن دیگر بؤیوک عنعنه‌لرله (غرب، هیند، عثمانلی عنعنه‌لری ایله) موقاییسه‌لی شکیلده آراشدیرماسینی داوام ائتدیرمک هدفی ایله ایلک دفعه اولا‌راق عاشیق صنعتینی نظردن کئچیرمه‌یه چالیشیریق.
کونفرانسدا اساس دقت، غرب عنعنه‌لری‌نین عکسینه اولا‌راق آذربایجاندا هله ده یاشادیلان عاشیق صنعتی‌نین اوزون عمرلولوگونون نظره چاتدیریلماسینا وئریله‌جک‌دیر.
بونون یانیندا کونفرانسدا عاشیق عنعنه‌سی‌نین (مرکزی آسیادا، یاخین شرق‌دکی دیگر صنعت نوع‌لری کیمی) بو گون ده دینامیک‌لیگینی قوروماسی سبب‌لری آراش‌دیریلا‌جاق‌دیر.
کونفرانسین فنلرآراسی علاقه‌سینی نظره آلا‌راق ایفاده ائدیلن کونسپت‌لرین بو قونویو بیلمه‌ینلر و متخصیص اولمایانلار اوچون باشا دوشولن اولماسینا خصوصی دقت وئریلملدییر.
قاتیلیمچیلار ایچینده اولانلاردان/
آذربایجان جمهوریتیندن:
آذربایجان میللی علملر آکادمسی فولکور اینسنتوسونون عاشیق صنعتی عذره پروفسور محرم قاسیملی
تبریز شهریندن ده بؤیوک صنعتکار و ساز اوستادی عاشیق چنگیز مهدی پور وار
