خوجالی: سون تورک سوی‌قیریمی

1988.جی ایلدن باشلامیش آذربایجان-ارمنیستان، داغلیق قاراباغ موناقیشهسی تاریخینده ان آجی حادثهلردن بیری خوجالیدا باش وئرمیش سویقیریم اولدو. بو حادثه20.جیعصرین ان دهشتلی و قدار فاجعهلریندن بیریدیر.

خوجالی فاجعهسی ایکی یوز ایله یاخین بیر مدتده ارمنی-روس شووینیست-میلتچیلری طرفیندن آذربایجانلیلارا قارشی منتظم اولاراق حیاتا گئچیریلن اتنیک تمیزلمه و سویقیریم سیاستینین داوامی و ان قانلی صحیفهسیدیر. اؤز میقیاسینا و دهشتلرینه گؤره دونیا تاریخینده ینزری آز اولان خوجالی سویقیریمینی تؤرتمکده ارمنی-روس شووینیستلری و ایدئولوگلاری اوزاغاگئدن مقصد گودوردولر. مقصد داغلیق قاراباغی و دیگر آذربایجان تورپاقلارینی اله گئچیرمک، خالقین مستقیللیک و تورپاق بوتؤولوگو اوغروندا موباریزه عزمینی قیرماق ایدی. لاکین اونلار اؤز نیتلرینه چاتابیلمهدی. دوغرودور، فاجعه بوتون آذربایجان خالقینی سارسیتدی، خوجالی ساکینلرینه ساغالماز یارالار، معنوی ضربهلر ووردو. لاکین خوجالیلار حتی آمانسیز سویقیریم گونونده ده اؤزلرینی اصل قهرمان کیمی آپاردی، ارمنی-سووئت حربی بیرلشمهلرینه قارشی یرایر اولمایان ساواشدا ایگیدلیکله ووروشدو، اونلار قارشیسیندا اییلمهدی، خالقین قهرمانلیق تاریخینه شرفلی صحیفهلر یازدی.

ارمنی حربی بیرلشمهلرینین وحشیلیگی نتیجهسینده 613 نفر شهید، 487 نفر یارالی اولوب، 1275 نفر دینج ساکین – قوجالار، اوشاقلار، قادینلار اسیر گؤتورولهرک آغلاسیغماز ظولمه، تحقیرلره و حقارتلره معروض قالدی. 150 نفرین طالعی هله ده معلوم دئییل. شهید اولانلارین 106 نفری قادین، 63 نفری ایسه آزیاشلی اوشاقلار اولوب، شیکستلرین 76 نفری یئتیشکینلیک دؤورونه چاتمامیش اوغلان و قیزلاردیر. 8 عایله بوتؤولوکده یوخ ائدیلیب، 24 اوشاق آتا اناسینی، 130 آزیاشلی اوشاق ایسه والدینین بیرینی ایتیردی. شهید اولانلارین یالنیز 335 نفری دفن اولوندو. 200 نفرین آیاقلاری سویوقدان گانگرن اولوب، 1000 نفردن آرتیق شهر ساکینی ایسه مختلیف درجهلی بدن خسارتی آلدی.

بو جینایتده 56 نفر اؤزل قددارلیق و آمانسیزلیقلا قتله یئتیریلدی. اونلار دیری دیری یاندیریلیب، باشلاری کسیلیب، دریسی سویولوب، کؤرپه اوشاقلارین گؤزلری چیخاریلیب، سونگو ایله حامیله قادینلارین قارینلاری یاریلدی. میتلره اوزرینده دیله گتیریلمهسی ممکون اولمایان تحقیرآمیز حرکتلر ائدیلدی.

خوجالی فاجعهسینین آجی نتیجهلرینی هامی بیلمهلی و دایم یاددا قالمالیدیر.

آذربایجان جمهوریتینین اساس تورپاغی ایله باغلانتیسی کسیلیب، 50-60 اوتوماتیک سیلاح و اوو توفنگی ایله سیلاحلانیب اؤزونوساوونما دستهسی اولان خوجالی شهری اطرافیندا ان مدرن تجهیزاتلا تپهدن دیرناغا قدر سیلاحلانمیش ارمنی-روس گووجلری شهرین محاصره حالقاسینی گونو گوندن داها دا سیخیب و 1992.جی ایل فوریهنین 25ده گئجه ساعات 22 سولاریندا خوجالی شهرینه 366.جی آلایینین قوموتا هیاتی و حربی تجهیزاتی ایله بیرگه هوجوما گئچدی.

سن تورکسن، ائل اوغلو، سیزلاماق یئتر

عیبرت آلمالیدیر صاباحا دونن

اویان، قالخ آیاغا تئز اول سفربر

قارشیدا دوشمندیر، آرخادا وطن!