تورک میلتی کیمی شرفلی بیر میلتی دیزه گتیرجیینی دوشوننلر یانیلیر
باشباخان، آذربایجانین ایشغال آلتینداکی تورپاقلاری قورتولونجایا قدر تورکیهنین هر زامان آذربایجانین یانیندا اولاجاغینی وورغولادی
باش باخان احمد داووداوغلو، تورکیهنین سرحدلری پوزولاراق سوریهدهکی باییربوجاق تورکمنلرینین بومبالانماسینا ایزلهییجی قالابیلمهیهجیینی سؤیلهدی.
احمد داووداوغلو، رسمی گؤروشمهلر اوچون گئتدیگی باکیداکی سفرینین ایکینجی گونونده، آذربایجان دیپلوماسی آکادمیسینده "قلوبال سینامالار قارشیسیندا تورکیه-آذربایجان استراتژیک اورتاقلیق" قونولو اوتورومدا دانیشدی.
داووداوغلو؛ روسیانی، سوریهده موداخیله ائتدیکلری بؤلگهده داعش دئییل، تورکیهنین حیمایهسیندهکی تورکمنلر اولدوغو قونوسوندا اویاردیقلارینی سؤیلهدی.
باشباخان داووداوغلو؛
"تورکمنداغیندا تورکمنلر قتل ائدیلیرکن بیزیم سرحدلریمیزی پوزاراق بو گوناهسیزلاری قتل ائتمهلرینه ایجازه وئرهبیلمزدیک. سرحدیمیز اوزریندن تورکمنلر بومبالانیرکن ایزلهییجی می قالاجاقدیق؟ (روس اوچاغینین تورک اف-16لاری طرفیندن دوشورولدوگو) 24 نوامبر گونو، 3 دفعه تورکمن داغینی بومبالادیلار" دئدی.
باشباخان داووداوغلو، روسیا دؤولت باشقانی ولادیمیر پوتینه ده موراجعت ائدهرک؛
"مسئلهلری اوز اوزه دانیشاق. سویوق ساواش دؤورونو خاطیرلادان تبلیغاتلاری بیر کنارا بوراخین" دئدی.
تورک و روس خالقلاری آراسیندا هئچ بیر پروبلئم اولمادیغینین و اولمایاجاغینی وورغولایان داووداوغلو؛
"روس خالقینا دؤنوک اولاراق ان کیچیک بیر تردود، قایغی و یا ان کیچیک بیر منفی حسیات ایچریسینده دئییلیک. روسیا خالقی شرفلی بیر خالقدیر، بیز اونا سایقی دویوروق" دئدی.
روس یئتکیلیلری ایسه اقتصادی امکداشلیغی آرتیرمایا چاغیران احمد داووداوغلو،
"باشقا اؤلکهلرین اؤزلرینه تحریم اویقولاماسیندان ممنون اولمایان روسیانین دؤنوب تورکیهیه تحریم اویقولاماسی اؤز ایچینده بؤیوک ضدیتدیر. اقتصادی یاپدیریملارین تورکیه کیمی شرفلی بیر اؤلکهنی، تورک میلتی کیمی شرفلی بیر میلتی دیزه گتیرجیینی دوشوننلر یانیلیرلار" دئیه دانیشدی.
تورکیهنین داغلیق قاراباغ مناقیشهسینده آذربایجانا وئردیگی دستگین داوام ائتدیگینی ده ایفاده ائدن باشباخان، آذربایجانین ایشغال آلتینداکی تورپاقلاری قورتولونجایا قدر تورکیهنین هر زامان آذربایجانین یانیندا اولاجاغینی وورغولادی.
باشباخان داووداوغلو، ارمنیستانا دا سسلنهرک؛
"سیزه عاید اولمایان تورپاقلاری، باریش ایچینده عاید اولانا وئرهجک بیر باریش پروسهسی باشلاماسی حالیندا، تورکیه-گورجیستان- آذربایجان آراسیندا یارانان باریش و ویزیون اتیفاقینا سیز ده قوشولابیلرسینیز" دئدی.
باکی-تفلیس-جیحانین خزر دنیزی ایله آغ دنیزی بیرلشدیردیگینی و انرژی خطلرینده اؤنملی بیر آلترناتیو میدانا گتیردیگینی ایفاده ائدن احمد داووداوغلو، باکی-تفلیس-ارزوروم، باکی-تفلیس-قارس دمیریولونون دا انرژی و نقلیات خطلرینین خزری آنادولویلا بیرلشدیردیگینی، بو ایکی اؤنملی پروژه ایله، آوراسیانین بیر اوجدان اوبیر اوجا گئچمکده قرارلی اولدوقلارینی ایضاح ائتدی.