5 تورکمن شهید اولدو
داعش مینلی پوسو قورا‌راق، حرکت حالیندا اولان ایکی آراجی پاتلاتدی
420129
حلبین قوزئیینده داعش، بو سحر ساعات‌لاریندا تورکمنلردن اولوشان سلطان مراد توغایلارینا بؤیوک بیر سالدیری باشلاتدی.
سلطان مراد توغایلاری لیدئری یوسف صالح، داعشین بو گون سحر ساعات‌لاریندا ایکی بؤلگه‌ده آغیر سلاح‌لارلا سالدیردیغینی ایفاده ائده‌رک، داعشین مینلی پوسو قورا‌راق، حرکت حالیندا اولان ایکی آراجی پاتلاتدیغینی بیلدیردی.
صالح، مین پاتلاماسی نتیجه‌سینده 5 تورکمن ساواشچینین شهید اولدوغونو، 6 ساواشچینین دا یارالاندیغینی ایفاده ائتدی.
سالدیریدا یارا‌لانان‌لاردان اوچونون تورکیه‌دکی خسته‌خانا‌لارا قالدیریلدیغی، باشقا یارا‌لی‌لارین ایسه اعزاز و حلب‌ده‌کی خسته‌خانا‌لارا گؤندریلدیگی قید ائدیلدی.
صالح، حلبین قوزئیینده داعشین ایرلی‌له‌ییشی‌نین دوردوغونو و اؤزگور سوریه اوردوسو ایله داعشی آراسیندا شدت‌لی چاتیشما‌لارین یاشاندیغینی سؤیله‌دی.
