قوزئی قیبریس تورک جمهوریتینده پرزیدنت سئچیمی ایکینجی تورا قالدی

قوزئی قیبریس تورک جمهوریتینده دونن ائدیلن پرزیدنت سئچیمی ایکینجی تورا قالدی.
هئچ بیر نامیزدین یوزده 50نین اوزرینده سس آلا بیلمدیگی سئچیمین ایکینجی توروندا موجود پرزیدنتی درویش اروغلو ایله، مصطفی آکینجی یاریشا‌جاق.
سئچیملره قاتیلیم نیسبتی یوزده 62 وئرگول 5 ایله تاریخی‌نین ان آشاغی سویه‌سینده اولدو.
7 نامیزدین یاریشدیغی سئچیملرده سس‌لرین یوزده 28 وئرگول 18ینی درویش اروغلو، یوزده 26 وئرگول 92ینی مصطفی آکینجی آلدی.
پرزیدنت یاریشی‌نین ادعا‌لی نامیزدلرین‌دن مجلیس باشقانی و جمهوریتچی تورک پارتیسی نامیزدی سیبل سیبرین سس نیسبتی یوزده 22ده قالدی.
موستقیل نامیزد قدرت اؤزرسای ایسه بؤیوک چیخیش ائده‌رک سس‌لرین یوزده 21 وئرگول 23ونو آلدی.