آنکارادا "پروفسور جواد هیئتی آنما" مراسیمی گئچیریلدی
مراسیمین آچیلیش دانیشماسینی ائدن آذربایجان مدنیت درنکی‌نین باش کاتیبی جناب تونجر کیرهان، دوکتور جواد هیئت‌ین قاتیلدیغی ییغینجاق‌لاردا دولتین دئییل، هر زامان میللتی‌نین نماینده‌سی اولدوغونو وورغولادی
ایکینجی آذربایجان جمهوریتینین قوروجوسو رحمت‌لیک ابولفضل ائلچیبی‌ین اؤلوم ایلدؤنومونده، آنکارادا آذربایجان مدنیت درنکینده "پروفسور جواد هیئتی آنما" مراسیمی گئچیریلدی.
دونن 23.08.2014 تاریخینده گئچیریلن آنما مراسیمین آچیلیش دانیشماسینی ائدن آذربایجان مدنیت درنکی‌نین باش کاتیبی جناب تونجر کیرهان، دوکتور جواد هیئت‌ین قاتیلدیغی ییغینجاق‌لاردا دولتین دئییل، هر زامان میللتی‌نین نماینده‌سی اولدوغونو، یایینلادیغی وارلیق ژورنالیندا تورکلوک شعورونون اینکیشافیندا اهمیت‌لی رول اوینادیغینی و طلبه‌لر تورکیه‌ده تحصیل آلا بیلمه‌لری اوچون بؤیوک امک صرف ائتدیگینی وورغولادی.
حؤرمت‌لی آرتوم دینچ ده چیخیشیندا، دوکتور جواد هیئت‌ین ایفاده و حرکتی بیرلشدیره‌بیلن، سؤیله‌دیگینی ائدن و یا ائده‌بیله‌جگی ایشی سؤیله‌ین نادیر شخصیت‌لردن اولدوغونو، آیریشدیریجی ایفاده‌لر یئرینه اوزلاشدیریجی ایفاده‌لری سئچن، باریش و عدالت پرینسیپ‌لرینی منیمسه‌ین بیر شخصیت صاحب اولدوغونو ایفاده ائتدی.
حؤرمت‌لی رضا طالبی ایسه چیخیشیندا، مغلوبیته اوغرامیش اولان شخصیت‌لرین قهرمان اولاراق گؤستریلمه‌سی‌نین دوغرو اولمادیغینی، هر اینسانین اوّلجه اؤز ایچینده اینقیلاب یاشاماسی لازیم اولدوغونو وورغولایا‌راق، دوکتور جواد هیئت‌ین باشاریلی بیر شخصیت اولاراق اؤرنک آلینا بیله‌جگینی، اؤز عائله‌سین‌دن ده بعضی‌لرینی یئتیش‌دیره‌رک، دیگر اؤرنک‌لردن فرق‌لی خصوصیت‌لره صاحب اولدوغونو ایفاده ائتدی.
سون ناطیق اولاراق دا رضا هیئت، دوکتور جواد هیئت‌ین خسته‌لندیغی تاریخ‌دن دفن مراسیمینه قدرکی مدتی، دوکتور هیئت‌ین تهران‌دان باکی‌یا مراجعتی اساس سبب‌لری و تبریزده دفن ائدیلمسینه ایران مسئول‌لاری طرفین‌دن نییه ایجازه وئریلمه‌دیگی موضوعسوندا گئنیش معلومات وئردی.
ایلگیلی‌لی خبرلر
آذربایجاندان فرانسایا اویاری
"فرانسانین قارالاما کمپینلری، اویغونسوز آچیقلامالاری و تخریباتلاری جاوابسیز قالمایاجاق"
