دوغو تورکوستان‌دا اولای
چین، تاریخی دوغو تورکوستان تورپاق‌لارینی ۱۹٤۹دا حاکمیتی آلتینا آلا‌راق سینجان اویغور موختار بؤلگه‌سی آدی وئرمیشدی
چین‌ده اویغور اؤزارک بؤلگه‌سی یئنه بیر شدت خبریله دونیا گوندمینده.
بؤلگه‌نین ان بؤیوک مسجیدی‌نین امامینا تشکیل ائدیلن سوءقصدین شوبهه‌لی‌سی ایکی اویغور تورکو، تشکیل ائدیلن عملیات دا اؤلدورولدو. شوبهه‌لی‌لرین ساغ یاخالانابیله‌جگی حادثه‌نین آردین‌دان تپکیلر داوام ائدیر .
جمعه طاهیر، اویغور اؤزارک بؤلگه‌سین‌دکی کاشغاردا ان بؤیوک و بؤلگه‌نین سیمگه‌سی اولان ایدگاه مسجیدی‌نین امامییدی.۷٤ یاشین‌داکی امام طاهیر، چرشنبه گونو، سحر ناماز چیخیشی بیچاقلانا‌راق اؤلدورولدو. سوروشدورما باشلا‌دان چین پلیسی، ۳ اویقورو جینایت‌دن شوبهه‌لی گؤردو. پلیس عملیات سیراسیندا شوبهه‌لی‌لردن ایکی‌سینی وورا‌راق اؤلدوردو؛ بیرینی ده توتدو.
بؤلگه‌دن گلن خبرلرده، جمعه طاهیرین عبادت قاداغالاریندان داهی چین حکومتی طرفداری توتوم سرگیلمه‌سی سببیله اویغور تورک‌لری‌نین تپکیسینی چئکدیگی ده ادعا ائدیلیر. چین پلیسی ایسه، شوبهه‌لی‌لرین رادیکال دینی جریانلاریندان ائتکیلندیگینی ادعا ائدیر.
آنجاق چینین اؤزللیکله رمضان آیی دؤنمینده آرتان باسقیسی، اوروج و ناماز باشدا اولماق اوزره عبادت اؤزگورلویونه گتیردیگی سینیرلاما اینسان حاق‌لاری ساوونوجولاری طرفین‌دن تنقید ائدیلیر؛ دونیا مطبوعاتیندا تئز تئز خبر اولوردو.
آرا‌لاریندا ایلهام توختی کیمی آکادمیسین و اینسان حاق‌لاری ساوونوجو‌لاری‌نین دا اولدوغو چوخ ساییدا اویغور تورکو ده "بؤلوجولوکله" سوچلاناراق گؤزآلتینا آلینیر. بو شخص‌لره باغلی بیلگی عائله و وکیللریله بئله پایلاشیلمازکن، وئریلن جزا‌لار رسمی مئدیا واسطه‌سیله دویورولور.
چین، چوخو اویغور ۲۰ میلیون‌دان چوخ تورکون یاشادیغی تاریخی دوغو تورکوستان تورپاق‌لارینی ۱۹٤۹دا حاکمیتی آلتینا آلا‌راق سینجان اویغور موختار بؤلگه‌سی آدی وئرمیشدی.
ایلگیلی‌لی خبرلر
آذربایجاندان فرانسایا اویاری
"فرانسانین قارالاما کمپینلری، اویغونسوز آچیقلامالاری و تخریباتلاری جاوابسیز قالمایاجاق"
