۲۰ تورکمن اؤلدورولدو
عراقدا ایشید میلیتانلارینین، دونن گئجه کرکوک یاخینلیغینداکی تورکمن کندلرینه هوجوم ائدهرک، ۲۰ تورکمنی اؤلدوردوگو بیلدیریلدی
![۲۰ تورکمن اؤلدورولدو](http://cdn.trt.net.tr/images/xlarge/rectangle/10-11/Files/UploadedImages/86961373rakgelimeler.jpg?time=1718655538)
عراقدا ایشید میلیتانلارینین، دونن گئجه کرکوک یاخینلیغینداکی تورکمن کندلرینه هوجوم ائدهرک، ۲۰ تورکمنی اؤلدوردوگو بیلدیریلدی.
طوزخورماتو بلدیه باشقانی، ۲ تورکمنین ده ایتکین اولدوغونو آچیقلادی. سالدیرینین آردیندان ۳ کندده یاشایان تورکمنلر، پئشمرگهلرین کنترلونداکی طوزخورماتویا سیغیندی. کرکوکون ۹ کیلومتر کونئییندهکی تورکمن کندی بشیر ده ایشید میلیتانلارینین سالدیریسینا اوغرادی، آنجاق سالدیری تورکمنلر ایله گوونلیک گوجلری طرفیندن گئری پوسکوردولدو. عراق پلیسی، کندین ساوونماسینا پئشمرگهنین کؤمک ائتدیگینی، چاتیشمادا بیر پئشمرگهنین یارالاندیغینی، ٦ قوروماسینین اؤلدوگونو بیلدیردی.
موصول یاخینلیغینداکی تلعفر ائلچهسیندن ده چاتیشما خبرلری گلیر.
عراق اوردوسو، تلعفرین بعضی محلهلرینده کنترلولو ساغلادیغینی ادعا ائتدی. خبر، مستقیل قایناقلار طرفیندن دوغرولانمادی. عراق تلویزیونو، تلعفره نقلیه اوچاقلاری ایله گؤندریلن عراق عسگرلری ایله گؤنوللولرین گؤرونتولرینی یایینلادی.
عراق کورد بؤلگهسل رهبرلیگی، ایشید میلیتانلاری ایله پئشمرگه آراسیندا دیاله ویلایتیندکی ژالولا قصبهسینده شدتلی چاتیشمالار یاشاندیغینی بیلدیردی. چاتیشمالاردا ۲ وطنداشین اؤلدوگو، ٦ پئشمرگهنین یارالاندیغی خبر وئریلیر.
اؤته یاندان تورکیهنین تورکمنلره گؤندردیگی یاردیم، بؤلگهیه چاتدی. گؤندریلن ٤ تریلر دولوسو کؤمک وسایتی، سینجاردا اولان تورکمنلر پایلاندی.
بو آرادا آمریکا باش قرارگاه باشقانی مارتین دئمسی، ایشیده هاوا سالدیریسی دوزنلمهلری اوچون عراقدان طلب گلدیگینی دوغرولادی، آنجاق قبول ائدیب ائتمهیهجکلری قونوسوندا دقیق جاواب وئرمهدی. دئمسی، "ایشیدله گؤردویوموز یئرده مباریزه ائتمک، اولوسال گوونلیک چیخاریمیزدیر" دئمکله کیفایتلندی. پنتاگون یئتکیلیلری، بغداد یؤنهدیمینین ایستهگی اوزرینه، بؤلگهده استخبارات ایشلری و کشف اوچوشلارینین ساییسینی آرتیردیقلارینی بیلدیردی.