تورکیه-نین کؤنول کؤرپولری - 04/2019
تیکا-نین فعالیتلری
اوچ هفتهدیر کی، "تورکیه-نین کونول کؤرپولری" پروقرامیندا تیکا-نین (تورک امکداشلیق و کووردیناسیون آژانسینین) فعالیتی ایله باغلی بعضی معلوماتلار وئرمهیه چالیشیریق. بو هفتهدکی پروقرامیمیزدا "تیکا لاییحهلری" موضوع سونو داوام ائتدیریریک.
مادی - تکنیکی آلت یاپی دان تشکیلاتین ایمکان و قابیلیتلرینین آرتیریلماسینادک اینکیشاف یولو کئچن تیکا لاییحهلری
1995 -جی ایله قدر قارداش اؤلکهلرده ایقتیصادی، سوسیال و مدنی فعالیتلر گؤسترن تیکا او تاریخدن اعتباراً تحصیل و مدنی امکداشلیق ایشلرینه اوستونلوک وئریر. بیلیریک کی، هر اوغورون ایلک معیاری باجاریقلی، یاخشی یئتیشمیش اینسان فاکتورونون اولماسیدیر. بو سببدن تیکا 1995-جی ایلدن سونرا تحصیل فعالیتلرینی سرعتلندیردی. موختلیف اؤلکهلرده مکتبلر، کیتابخانالار، لابوراتوریالار اینشا ائتدی، اونیورسیته لره تکنیکی تجهیزات مسئلهلرینده یاردیملار ائتدی.
2000 -جی ایللرده دونیا قلوباللاشمیش و قلوباللاشمانین تأثیری شرقدن غربه قدر بیر سیرا جوغرافیالاردا حیس ائدیلمیشدی. بو دؤورده عینی دیلی دانیشدیغیمیز اؤلکهلرین اینکیشافینداکی تکانلارا پارالل اولاراق تیکا-نین بولگه ده حیاتا کئچیردیگی فعالیتلر تشکیلاتین ایمکان و قابیلیتلرینین اینکیشافی لاییحهلرینه چئوریلدی.
تورکیه-نین و تیکا-نین بیرگه تاریخی میراثا مالیک اولماغین وئردیگی حاقلی غرور حیسی ایله آتا-بابا تورپاقلاری اوچون حیاتا کئچیردیگی لاییحهلر داوام ائدیر.
تورکیه-نین دونیادا و بولگه ده واجیب آکتیور حالینا گلمک جهدینین داوامی اولاراق 2000-جی ایللردن اعتباراً خاریجی سیاست آنلاییشیندا اهمیتلی دییشیکلیکلر اولدو. بو دییشیکلیک اساسیندا تیکا فعالیت جوغرافیاسینی گئنیشلندیردی. 2002-جی ایلده 12 اولان پروقرام کووردیناسیون اوفیسینین سایی 2011-جی ایلده 25-ا، 2012-جی ایلده ایسه 33-ا یوکسلدی. تورک امکداشلیق و کووردیناسیون آژانسی بو گون 59 اؤلکهده 61 پروقرام کووردیناسیون اوفیسی ایله، 150 اؤلکهده فعالیت گؤستریر. تورکیه-نین یوروتدوگو آکتیو و پرینسیپیال خاریجی سیاسته باغلی اولاراق فعالیت گؤستردیگی اؤلکهلرین سایی هر گون آرتیر. تورکیه تیکا واسطه ایله دوست، قارداش و قوهوم اؤلکهلرده گؤردوگو ایشلر اساسیندا بیر باریش قورشاغی یاراتماغا سعی گؤستریر.
تیکا دؤولت موسسه و تشکیلاتلاری، عالی مکتبلر،غیری -حکومت تشکیلاتلاری و اؤزل سئکتور آراسیندا امکداشلیق مکانیزمی وظیفهسینی ایجرا ائدیر، بوتون بو آکتیورلاری بیر موستویده بیرلشدیریرهرک تورکییهنین اینکیشاف یاردیملارینی حیاتا کئچیریر.
تورکیه-نین اینکیشاف یاردیملاری 2002 -جی ایلده 85 میلیون امریکا دولاری ایدی. بو رقم 2017-جی ایلده 8 میلیارد 120 میلیون امریکا دولارینادک یوکسلدی. عینی زاماندا، تورکیه دونیادا ان چوخ اینسانی یاردیم ائدن اؤلکهدیر.
تیکا اوفیسلری یئرلشدیگی اؤلکهلرله بیرلیکده 5 قاره ده 150-یه یاخین اؤلکهده اینکیشاف مرکزلی امکداشلیق فعالیتلری آپاریر. تورکیه تیکا واسطهسی ایله ساکیت اقیانوس-دان اورتا آسیایادک، اورتا دوغو و افریقادان بالکان اؤلکلریندک، قافقازدان لاتین امریکاسینادک بیر چوخ اؤلکه ایله بیلیک و تجروبه موبادیلهسی آپاریر.