تاریخده بو گون
۳ فوریه ۲۰۱۹
6.جی عثمانلی پادشاهی، ۱.جی محمدین اوغلو، فاتح سلطان محمدین آتاسی ۲.جی مراد ادیرنهده وفات ائتدی. آتاسینین بیر اوو قضاسی نتیجهسینده اؤلمهسیندن سونرا ۱۴۲۱.جی ایلده داها ۱۷ یاشیندا تاختا اوتوران ۲.جی مراد، اوردوسو ایله برابر بیر چوخ قلبه قازاندی.
۱۴۴۴.جو ایلین آگوست آییندا داها ساغ ایکن، دونیا ایشلریندن چکیلهرک اللها اوز توتاجاغینی ایفاده ائدیب، اوغلو ۲.جی محمدین تاختا گئچهجگینی اعلان ائتدی. آنجاق ماجار اوردوسو تونا چایینی گئچهرک عثمانلی دؤولتی اراضیلرینه دوغرو ایرلیلهمهسی اوزرینه تکرار تاختا گئچمک مجبوریتینده قالدی. اوغلو ۲.جی محمد، "اگر سن سلطانسان گلیب اوردونون باشینا گئچ، من سلطانسام امر ائدیرهم اوردونون باشچیلیغی ائت" فرمانی ایله تاختا گئچهن ۲.جی مراد، ۱۴۵۱ده سلطنتی یئنیدن اوغلو ۲.جی محمده وئرهرک دینجلمهیه چکیلدی و همین ایل ۳ فوریهده وفات ائتدی. ۲۱ یاشیندا تاختا چیخان ۲.جی محمد ایسه ۱۴۵۳.جو ایلده ایستانبولو فتح ائدرک فاتح سلطان محمد اولاراق تاریخه گئچدی.
...
۳ فوریه ۱۸۹۹...تورک تاترینین ایلک یازارلاریندان، مولیردن اویارلادیغی عیار حمزه آدلی اویونو ایله تانینان علی بی وفات ائتدی.
کیچیک یاشدا فرانسیزجا اؤیرهنهن، داها اون اون بئش یاشلاریندا ترجومهلره باشلایان، سونرا دؤولتین مختلیف مقاملاریندا وظیفه آلان علی بی، ۱۸۹۴ ایلینده دویون عمومیه ادارهسینه مودور تعین ائدیلدی. بو سببدن ده دیرکتور لقبیله آنیلان علی بی، باشدا تاتر اولماق اوزره مزاح و سیاحت ادبیاتی ساحهلرینده اثر وئردی. مزاح ساحهسیندهکی طبیعی قابیلیتی مزاح درگیلری اوچون یازیلار قلمه آلان علی بی، تنظیماتدان سونراکی تورک تاترینین قورولوشوندا بؤیوک پای صاحبی اولدو.
...
دوغونون اولدوزو و مصرین ۴.جی هرمی اولاراق دا تانینان مصرلی سس صنعتچیسی ام کولثوم، ۳ فوریه ۱۹۷۵.جی ایل تاریخینده حیاتا گؤزلرینی یومدو.
۲۰.جی عصرین اوللرینده دوغولان، بوتون زامانلارین ان گؤزل سسلی صنعتچیسی اولاراق آنیلان ام کولثوم، قیزلارین ماهنی اوخومالاری او دؤورده توپلومدا خوش قارشیلانمادیغینی اوچون، کیشی پالتاری گئیینهرک اوخودوغو ایلاهیلر ایله موسیقییه باشلادی. داها سونرا سس ائییتیمی آلان کولثوم، مصر ساراییندا ماهنی اوخویاجاق قدر شؤهرته قوووشدو. گئنیش خالق کوتلهلرینه سینما ایله اولاشیرکن بوتون اورتادوغو جغرافیاسیندا تانینیر حالا گلدی.
قازاندیغی تخمیناً ایکی یاریم میلیون استرلینگی،جواهرات ایله بیرلیکده اولدوغو کیمی مصر حکومتینه باغیشلاماسی، خالقینین قلبیندهکی یئرینی ساغلاملاشدیردی. وفات ائدینجه دؤرد یاریم میلیون اینسان دفنینه قاتیلدی. بو رقم مصر دؤولت باشقانی جمال عبدالناصرین دفنینه قاتیلانلاردان داها چوخ ایدی.
ایلگیلیلی خبرلر
تاریخده بو گون : 22 ژانویه
تاریخین بو گونو هارادا نلر باش وئریب، کیملر خاطیرلانیر؟ قیساجا نظر سالاق.
تاریخده بو گون: 21 ژانویه
تاریخین بو گونو هارادا نلر باش وئریب، کیملر خاطیرلانیر؟ قیساجا نظر سالاق.