تاریخده بو گون
۲۹ ژانویه ۲۰۱۹
۲۹ ژانویه ۱۸۸۶...آلمان ماشین مهند‌سی و موتور تاساریمچیسی کارل مرسدس بنز، بنزینله ایشله‌یه‌ن ایلک اتومبیلین پاتنتینی)اختراع سندی) آلدی. مرسدس بنز، ۱۸۸۵ده، ساتماق مقصدیله اورتیلن و بنزین موتورو اولان دونیانین ایلک اتوموبی‌لی موتورواگنی اورتمیشدی. اوچ تکرلی، اؤندن دؤندورولن بو اتومبیل‌ده موتور آرخا طرف‌ده، یولچولارین تام آلتین‌دا ایدی.
...
۲۹ ژانویه ۱۹۱۶...۱.جی دونیا ساواشی سیراسین‌دا، آلمانیا، گلیشدیردیگی زپلین‌لری)هاوا گمیسی)، ایلک دفعه بیر ساواشدا پاریسی بومبالاماق مقصدیله ایستیفاده ائتدی.
بو گون داها چوخ رئکلام مقصدلی ایستیفاده ائدیله‌ن زپلین‌لرین ایلک اوغورلو اوچوشو ۱۸۵۲.جی ایلده فرانسالی مهندس هنری گیفرد طرفین‌دن حیاتا گئچیریلدی. فردیناند فون زپلینئن آدینی آلان زپلین‌لر ساواش سیراسین‌دا پاریسین یانی سیرا لندنی ده بومبالادی. اوزون مدت یولچو داشیماق مقصدیله ایستیفاده ائدیله‌ن زپلین‌لر، اوچاق‌لارین گلیشمه‌سی نتیجه‌سین‌ده ۱۹۵۰لره گلمه‌دن اورتیملری دوردو.
...
۱۹۳۴.جو ایل ۲۹ ژانویه‌ده، اولوسلارآراسی بیر فستیوالا قاتیلان ایلک تورک فیلمی لبلبی‌چی هورهور آغانین چکیمی بیتدی. باتیلی معنادا تورک تئاترینین قوروجوسو ساییلان محسن ارتوغرولون یؤنتدیگی، سناریوسونو ممتاز عثمان تاخما آدییلا مشهور تورک شاعری ناظیم حیکمت طرفین‌دن یازیلان فیلم، همین ایل ۲.جی ونیز فیلم فستیوالین‌دا "شرف دیپلومو" ایله اؤدوللندیریلدی.
...
۲۹ ژانویه ۱۹۷۸ده، سوئد، دونیایا گلن ضررلی ایشینلاری/شعاعلاری توتان اوزون طبقه‌سینه ضرر وئرمه‌سی سببیله ائروسول اسپری ایستیفاده‌سینی قاداغان ائتدی و بو جور قاداغا قویان ایلک اؤلکه اولدو.
ایلگیلی‌لی خبرلر
تاریخده بو گون : 22 ژانویه
تاریخین بو گونو هارادا نلر باش وئریب، کیم‌لر خاطیرلانیر؟ قیساجا نظر سالاق.
تاریخده بو گون: 21 ژانویه
تاریخین بو گونو هارادا نلر باش وئریب، کیم‌لر خاطیرلانیر؟ قیساجا نظر سالاق.